Кушто да кунам Пеледыш пайрем эрта

Йошкар-Олаште Пеледыш пайрем 27–28 июньышто эрташ тӱҥалеш, увертара «Сурт-пече» газет. Моло кундемлаште кунам пайремлат ӱлнӧ лудса.

Пайремыш верла гыч толшо усталык коллектив-влак шке кундемысе калыкын ойыртемалтше койышыжым ончыктышаш улыт. Ушнаш кумылан-влак 10 июнь марте cultur@mari-el.ru электрон почтыш йодмашым колтышаш улыт.

14 июньышто Курыкмарий районышто регион-влак кӱкшытан XIV Пеледӹш айо муро пайрем лиеш.

Российыште марий-влакын тӱшкан илыме регионлаште Пеледыш пайрем тыгай кечылаште эрта:

• Санкт-Петербургышто – 24 майыште (Дубровко посёлкысо Невский паркыште);
• Татарстаныште – 31 майыште (Семык, Кукмарий районысо Уялыште);
• Удмуртийыште – 6–7 июньышто (Семык, Кизнер районысо Марий Сарамак ялыште);
• Киров областьыште – 7 июньышто (Пыжанью районысо Вӱлэҥер ялыште);
• Москошто – 7 июньышто;
• Пермь кундемыште – 13 июньышто (Суксо районысо Кызганде ялыште);

АУШ, Лос-Анджелес олаште – 15 июньышто («Лейк Голливуд» паркыште).

MariUver

Фото: Петр Васильев

АУШ (Амеикын Ушымо Штатше-влак) – США