Йоча-влак дене урок годым изи канышым ынде шочмо йылмына денат эртарен колташ йӧн лектын. Лӱмын тидлан ик марий йылмым туныктышо «Рышт-рошт тошкалам» книгам ямдылен да тудо шукерте огыл савыкталт лектын.
Савыктышлан ош тӱням ужшаш «Ямде лий» газетын редакцийже полшен. Марий поэт Надежда Ильинан почеламутшо-влакым посна книгаш чумырен, капкылтӱвыра упражнений-влакым эртараш шкешотан туныктымо пособийым ямдылен. У йоча книгам ямдылыше специалист-влак дек МЭТР ТВ-ын войзышо тӱшкаже миен коштын.
Книгам савыкташ оксам Финляндийын М.А. Кастренын ушемже ойырен.
Видеом ончыза:
Видео гыч скриншот-влак:
MariUver
MariUver 
Кугу поян Руш кугышанышын тыгай кӱлешан марий книга-влаклан оксаже уке ала-мо? Кеч ме, марий-влак, такшым, тиде Российын тӱп (коренной) калыкше улына…