Эрла кастене, 30 апрельыште, Тарту олаште Вальпургий йӱд лӱмеш йӱлаш пурышо мероприятий эртаралтеш. Студент кече-влак радамыште Пӱгӧ кӱвар — Kaarsild ӱмбалне 23 шагат гыч концертым эртараш шонат.
Пеҥгыдемше йӱла почеш пайрем тӱҥалме деч ончыч Тартун мэрже Урмас Клаас олам вуйлатымашым лӱмжылан студент-влаклан кучыкта.
Кас программыште эстон хип-хоп 5miinust группын да мурызо Мерлин Уускӱлан (Merlyn Uusküla) яра выступленийыштым ужаш лиеш. Ончышо-влак концертым Эмайыги эҥер сер гыч эскерен кертыт.
Мероприятийым эртарыше Эвелийс Вӓлйаотс (Eveliis Väljaots) студент да моло кумылан-влак чолган ушнат ман ӱшанен кодеш. Тудын мутшо почеш, событийын цельже — чапле мероприятийым эртараш да Вальпургий йӱдлан сай тӱҥалтышым ышташ, тыгак оласе студент йӱлам кучен шогымаш.
Музык ужаш деч посна, организатор-влак шинчаш койшо эффект-влакым, тыгак Tulekillud («Тулойып») группын тулан представленийыштым сӧрат. Пайремыште фейерверк огеш кучылталт, тул ден волгыдын вашла модмыштлан тӱткыш ойыралтеш. Кас мучашыште Ahhaa шанче рӱдерын ямдылыме спецэффектан шоу лиеш, воза Tartu Postimees газет.
MariUver
MariUver 