Башкортостанысе Пӱрӧ районысо тӱвыра пашаеҥ-влак финн-угор калык-влакын фольклор коллективыштын «Ший мундыра» регион-влак кокласе этнофестиваль-конкурсышкышт ямдылалтыт. Тений тудо октябрьыште лиеш.
Тиде тӱвыра событийым вучымо кышкарыште нуно «Культур кодым вияҥдыме тӱҥ фактор семын Башкортостан Республикысе финн-угор калыкын костюм комплексшым угыч ылыжтымаш» шанче-практик семинарыште участвоватленыт, увертара «Победа» газет.
Тушко шанчызе, тунемме заведений-влакын студентышт, фольклор коллектив-влакын вуйлатышышт, посна мурызо, кидмастар-шамыч ушненыт. Семинарыште финн-угор калык-влакын чийыме йӱла вургемыштым, ожно могай лиймыжым да нуным кызытсе жаплан келшышын уэмден толмо нерген мутланеныт.
Семинарын пашажым республикысе Калык усталык рӱдерын тӱҥ директоржо Салават Киреев, регионысо марий-влакын «Эрвел марий» калыкле-тӱвыра автономийыштым вуйлатыше, республикысе Финн-угор калык-влакын ассамблейыштын председательже Радион Плотников почыныт.
Мероприятийын ик ойлышыжлан Тимофей Евсеев лӱмеш калыкле тоштерын кидпаша сымыктыш пӧлкажым вуйлатыше Дмитрий Байдимировымат ӱжыныт, воза «КонтактЫште» мервотышто «Марий Эл» газет.
Рушла Telegram-ыште лудса /
По-русски читайте в Telegram:
https://t.me/mariuver/494
MariUver
Фотосӱрет-влакым «Победа» да «Марий Эл» газетла гыч налме
MariUver 