Эстонийын эрыкан лийме кечыже вашеш Тарту университетын ректоржо 2024 ийыште Йылме аланыште идалыкын пашаж нерген увертарен. Тиде финн-угор йылме-влакым арален кодаш да вияҥден колташ йӧным ыштыше Neurotõlge (Нейрокусарымаш) цифран платформым ыштымаш лийын.
Компьютер шанче институтысо шымлызе-влакын ямдылыме Neurotõlge дене 30 йылмыш кусараш лиеш, нунын кокла гыч 23-шо — финн-угор йылме. Садет-влак коклаште марий йылмын кок литератур нормыжат уло (олык да курыкмарий).
Neurotõlge-м ворандарымаш Эстон да тӱҥ йылмышанче институтын шымлызе-влакше дене пырля ышталтеш. Нунын шуко ий пашам ыштымыштлан кӧра родо-тукым калык-влакын кугу мутвундышт погалтын да цифроватлалтын да йылме корпус-влакым ыштыме.
«Йомын толшо родо-тукым йылме-влаклан машинан кусарымаш йӧным пуымаш нуным арален кодаш да нуно йылмыла дене ойлышо-влаклан полшен шога», — палемдыш ректор профессор Тоомас Ассер.
Кусарышым www.neurotolge.ee сайтыште тергаш лиеш.
Тиде платформо — финн-угор калык-влакын йылме поянлыкыштым аралымаште кӱлешан ошкыл.
MariUver
MariUver 