1 мартыште Нарва официаллын 2025 ийысе финн-угор тӱнян тӱвыра рӱдолаже лиеш. Чаплӱмым кучыктымо пайремле церемоний Ратушан тӱҥ залыштыже эртаралтеш. Программе кок кече шуйна.
1 мартыште олаште Ингрий пӧртыштӧ калыкле чайым йӱмаш эртаралтеш, Нарва коштмывер гыч Ратуша марте таҥ ошкылмаш лиеш, Нарва колледжын фойештыже пайрем концерт эрта. Кастене Ингрий пӧртыштӧ уна-влакым калыкле чайым подыл шинчен тыглай мутланымаш вуча.
2 мартыште программе Нарва Александр тӱҥчеркыште пайрем концерт да юмылан кумалмаш, Ингрий тоштерыш экскурсий да Ингрий пӧртыштӧ калык сиян кечывалкочкыш дене шуйна.
Мероприятий-влак Нарва Ингрий пӧртыштӧ, Нарва Ратушаште, Тарту университетын Нарва колледжыштыже да Нарва Александр черкыште эртаралтыт.
Чыла кумылан-влакым тиде событий деч йывыртымашым пайлаш да финн-угор калык-влакын поян тӱвырашт дене палыме лияш ӱжына!
Уверым рушла да тӱрыс радамым тыште муыда »
але Telegram-ыште: https://t.me/mariuver/260
MariUver
официаллын – официально,
калыкле — национальный,
коштмывер – променад,
тӱҥчерке — собор
MariUver 