21 сентябрьыште Йыхви олан рӱдӧ книгагудыштыжо финн-угор калык мокша да марий-влаклан пӧлеклалтше вашлиймаш лиеш. Тидын нерген эртарыше-влак Facebook мервотышто увертарат.
Мероприятий 11 шагатат 30 минутлан тӱҥалеш.
Программыште Анна Макеевын йоҥгалтарыме мокша да марий муро-влак йоҥгат. Роза Столицына Пӓрну ола гыч мокша йылме дене почеламут-влакым лудеш. Сакико Ишии эстон хроматикле каннель дене шокта.
Уна-влак арвер да книга ончерым ужын кертыт, тиде кок Юл кундем калык-влак нерген шукырак пален налыт да нунын кочкышыштым тамлен ончат.
MariUver
мервот — соцсеть
хроматикле — хроматический
MariUver 