Таллинн воктен верланыше Сауэ изи ола 25-ше августышто шочмо кечыжым палемда. Тидын шумлык илемыште Мӧҥгысӧ кафе-влак кечым эртарат. Иктыштыже калыкнан сийжымат тамлен ончаш лиеш.
Апостол Павыл лӱмеш лютеран погынвер пелен «Павыл кафе» маналтше кофейне шке омсажым почеш. Тудо Kütise 4 адрес дене верланен. Омсаже почто пӧлка ваштареш кудывече могырч улеш. Тыгай жапыште пашам ышта: 10 гыч12:30 марте да 15 гыч 18 шагат марте.
Менюшто марий калык кочкыш, финн лактозо да глютен деч посна модо когыльо да тӱрлӧ моло кӱэштыш, виш тулеш шолтымо кофе да шудо чай.
MariUver
2021 ийыште эртыше «Павыл кафе» гыч Ану Вӓлиахон, Кати Раудсеппын да молын ыштыме фотосӱрет-влакым Анна Макеев пуэн
илем — населенный пункт
погынвер — приход
почто пӧлка — почто отделений
MariUver 