Финляндийыште Евсеевым шарналтат

Ага тылзын 3-шо кечынже Хельсинки олаште Андрей Огородниковын «Евсеев: Признание ценою в жизнь» чынилыш фильмжым ончыктат. Тимофей Евсеев да марий-влак нерген ойлат.

Мероприятий 16:15-лан Суоми рӱдолан касвел ужашыштыже верланыше Оулункӱлӓ книгагудышто тӱҥалеш. Касым «Родо-тукым калык-влакын йолташышт» регистрироватлыме объединенийын — Sukukansojen ystävät ry чолгаеҥже Эза-Юсси Салминен почеш. Тудо фильм да тудым возйышо нерген каласа.

16:30 Андрей Огородниковын «Евсеев: Признание ценою в жизнь» документальный киножым англичан субтитр дене ончыктат.

17:00 Анна-Мари Иммонен Финн калыкле тоштер гыч Т. Евсеевын Финляндийыш кондымо арвер-влак нерген ойла, йодыш-влаклан вашешта.

17:00 Катя Кетту Yöperhonen («Йӱд лыве») романыштыже марий теме нерген ойлаш тӱҥалеш.

Андрей Огородниковын «Евсеев: Признание ценою в жизнь» 2022 ийыште Марий Элыште войзалтын, увертара Эза-Юсси Салминен Facebook мервотышто.

MariUver

чынилыш фильм — документальный фильм
мервот — соцсеть