Коҥга пайремым палемдат

Пургыж тылзын 12-шо кечынже Марий Эл Республикын Кужэҥер районыштыжо Коҥга пазарым пайремлат, увертара МЭТР ТВ.

Марий калыкын йӱлаже тӱрлӧ пайремлан поян. Нунын коклаште Шорыкйол, Ӱярня, Кугече, Семык, Агавайрем да молат. Южо вере пайрем-влак да нуным эртарыме радам ойыртемалтыт.

Лач тыгай улеш Коҥга пайрем але Коҥга пазар. Тудым пургыж тылзын 12-шо кечынже Кужэҥер районысо Коҥганур, Кӱшыл Ӱшӱт яллаште, Токтайбеляк селаште палемдат.

MariUver