Эстонийын рӱдолаштыже теле тылзын 24-ше да 25-ше кечылаштыже маршрутыш рошто шупшыктымо йӧнештарыш лектеш. Ты гана пайрем кумылым шинчалан койшо моторлык да сылнысемым кучылт лукташ тӱҥалышт, воза рушла ERR.
Автобус, троллейбус да трамвайыште кид дене ыштыме сӧрастарымашым ужаш лиеш. Тӱҥжым нуно перерабатыватлаш лийме материал гыч ыштыме лийыт, Таллинн оласе транспортын (ТОТ) пресс-службыжо увертара.
Кажне рошто транспорт йӧнештарыш шке тематикыже: автобусын темыже — пӧлекан мешак, троллейбусын — Рошто шӱлыш, а трамвайын гын — телым кечын эн ӱлнӧ лийме жапше.
Тиддеч посна транспортышто Рошто пуш лиеш да ик амалкалыше радион пайрем сылнысемже йоҥгаш тӱҥалеш.
«Рошто автобус, троллейбус да трамвайыште пассажир-влакым Йӱштӧ Кугыза саламлаш тӱҥалеш, кудыжлан почеламутым ойлаш лиеш. Тыгак рошто тыланымаш денат пайлалташ да тамле пӧлекым сулен налаш йӧн лектеш», — мане ТОТ вуйверын еҥже Кайдо Падар.
Тудын мутшо почеш, таллиннысе тӱшка транспорт сайын ыштыже манын, рошто кечылаште пашаш ик тӱжем наре еҥ лектеш.
Рошто транспорт ойыртемалтше маршрутла почеш кошташ тӱҥалеш. Тыге тӱрлӧ ола район гычат кумылан-влак тудын дене мунчалтен кертыт. Шинчын кудалмаш чылалан яра лиеш. Раш маршрут-влакым http://www.tlt.ee лаштыкыште муаш лиеш, воза рушла ERR.
MariUver
шупшыктымо йӧнештарыш — средство для перевозки
йӧнештарыш — средстве
амалкалыше — коммерческий
вуйвер — правлений
MariUver 
Уведомление: В Таллинне появится праздничный транспорт | MariUver
Уведомление: В Таллинне появится праздничный транспорт – Республика Мари Эл