Шыжа тылзын 26-шо кечынже Финляндийыште «Марий вий тӱвыра ушем» организацийым официаллын регистрироватлыме. Тидын нерген MariUver лаштыклан родо-тукым элыште илыше Раиса Тоссавайнен увертарыш.
«Марий вий тӱвыра ушем» регистрироватлыме объединенийын — Mari-Vij Kultuuriyhdistys Ry амалкалымаш рашемдышыже 3394480-9, тидын нерген Kauppalehti газет гыч пален налына.
Ушештарена, Суомиште ончычат марий мер ушем лийын. Тудо «Кырык мары клуб» маналтын. Но каласыман, тудо официаллын регистрироватлыме лийын огыл. Кызыт организацийын кок чолгаеҥжат — Валерий Аликов ден Юлия Куприна — ош тӱнятыжат уке улыт.
У марий ушемым чумыраш да кугыжаныш регистрыш пурташ эн ончыч Раиса Тоссавайнен тыршен. Тудо ала-мыняр ий ончыч Финляндийыш марлан лектын да ынде тушто ила.
«Организацийым Дина Фролова вуйлата. Тудлан негызым пыштыше-влак коклаште мый да Сергей Фролов лийынна.
Теле тылзын шымше кечынже «Финляндий-Россий» ушемыште Изи Рошто – Pikkujoulu пайремым эртарат. Тушто шукерте огыл шочшо ушем дене палдарат. Надежда Пашкина кум марий мурым йонгалтара. Чыла кумылан-влакым ушнаш йодына», – Massenger гоч мане Р. Тоссавйнен.
MariUver
официаллын — официально
амалкалымаш рашемдыш — коммерческий идентификатор
Уведомление: В Финляндии зарегистрировали марийскую организацию – Республика Мари Эл
Уведомление: Финляндийыште Ӱярням пайремлат | MariUver