Россий кӱкшытан марий самырыктукым слёт Марий Эл Кужэҥер районысо Руш Шой ялыште сӱрем тылзын 18–22 кечылаштыже лиеш. Тений тудо латвизымше гана эртаралтеш.
Участник-влакын ийготышт — 25 ий марте.
Слётын ик эн тӱҥ шонымашыже – марий самырык тукым коклаште ончыко вӱден кайыше еҥым кушташ, мер илышыш ушаш.
Кажне ийын слёт ойыртемалтеш: тӱрлӧ районышто эрта, тудым ямдылыме пашашке вес еҥ-влак ушнат, пайдале туныктымо, тӱвыра да каныме программыла ямдылалтеш.
Слётым ямдылыме да эртарен колтымо пашавиктыш йодыш-влакым илышыш пуртымо верч Марий Эл Республикын тӱвыра, печать да калык-влакын пашашт шотышто министерстве, Самырыктукым политике комитет, Мер каҥаш, «Социалле инициативе рӱдер», «Эр Вий» ден «ВийАр» мер ушем-влак тыршат.
Тений Россий кӱкшытан марий самырыктукым слётын участникше лийнет гын, тиде электрон адресыш анкетым колтен кертат: mer-kanash@mail.ru, Галина Ласточкина «КонтактЫште» мервотышто воза.
MariUver
MariUver 