Хельсинкиште шыжа тылзын 7-ше кечынже финн фотосӱретче Мээри Коутаниэмин Matka marien maalle (Марий мландыш миен коштмаш) фотоончерже почылтын. Выставке Финляндийыште эртыше Родо-тукым кече-влак кышкарыште эрта.
Ончерым «Финляндий-Россий ушемын» Albatross тӱвыра верыштыже кылме тылзын 6-шо кечыж марте ужаш лиеш.
Мээри Коутаниэми Марий Элыш 2015 ийыште миен коштын да фотосӱрет-влакым ыштен. Вара Ääninen ансамбль дене пырля Финляндий мучко «Марий мландыш миен коштмаш» программе дене коштыныт. Нуно калыкна да Марий Элна нерген каласкаленыт, фотоончерым ончыктеныт сылнысемым шоктеныт.
Куд ий эртымеке фотограф «Финляндий-Россий ушемын» полшымыж дене шке пашашт-влакым угыч калык ончык луктын.
М.Коутаниэми Instagram-ыште ончерже нерген воза:
MariUver
Фотосӱрет-влак М. Коутаниэмин Instagram-же гыч
MariUver 