Марий калыкын ик эн йӧратыме концертше тений пургыж тылзын 5-ше кечынже лиеш. Но чылалан палыме амаллан кӧра ты гана тудо онлайн йӧн дене эртаралтеш, воза «Кугарня» газет.
Эртыше идалыкыште марий муро аланым пойдарыше эн ойыртемалтше мурызо ден автор-влакым чумырышо пайрем концертым кузе ончаш лиеш? Ямдылалтме пагыт кузерак эрта? Нине йодыш-влаклан Марий Эл радион тӱҥ редакторжо Володя Матвеев тыге вашештыш:
Тений мурызо ден автор-влак Эрик Сапаев лӱмеш Марий кугыжаныш академле опер да балет театрыште погынат. Концерт 19 шагатлан тӱҥалеш да 22 шагат марте шуйна. Вияш трансляцийым палемдыме жапыште МЭТР телеканалыштыштат, Марий Эл Радион да МЭТР телеканалын YouTube-со лаштыклаштышт, Марий Эл Радион КонтактЫште мервот тӱшкаштыже ончаш лиеш. Тылеч посна тиде концертым Марий Эл радион эфирыштыже колышташ лиеш.
Тыгай онлайн концертым икымше гана эртарена. Мыланна тиде — у йӧн, но тыге ме шкенам тергена, уло кумылын ямдылалтына. Телетрансляцийын шке ойыртемже уло, тидым шотыш налын, сценарийым келыштарена. Такшым оҥай лиеш манын шонем. Концертыште 30 утла мурызо лийшаш. Тыгак ончычсо семын автор-влакым саламлаш тӱҥалына.
Фото да скриншот-влак:
2021 ий 29 январь 5 (1623) № «Кугарня» газетын материалже негызеш
MariUver
MariUver 