Марий тӱр почто маркыш логалын

Пеледыш тылзын 1-ше кечынже Кыл федералле агентстве да «Марке» АУ Россий калык-влакын тошто тӱрышт дене сӧрастарыме почтышто кучылташ ыштыме ныл маркым лукмо нерген увертарышт. Нуно «Кучылтмо арверым сӧрастарымаш сымыктыш» серийыш пурат. Ик маркыштыже марий тӱрым вераҥдыме.

Вес кум маркыштыже суас, чуваш да карел тӱрым ужына.

Марий тӱрым XIX курымысо Виче губерний Вӱрзым уездысе олык марий сӱан вуйпидыш гыч налме.

Марке-влакым rusmarka.ru вотлаштыкыште налаш лиеш.