Юрий Ахтямов «Лий тый шӱдыр»

Мутшо Татьяна Пчёлкинан,
семже Юрий Ахтямовын
Юрий Ахтямов мура

Ончалам да поро шинчашкет,
Ош висвисым угыч пӧлеклем.
Лий тый шӱдыр мыйын суртыштем,
Ах, могай чевер улат, таҥем!

Припев:
Йӧратем да мый шулдыран улам,
Пӱрымаш деч мый пиалым вел йодам.
Кас каваште – ныжыл ӱжара,
Шӱм-чонем тылат гына мура.

Йӱдым тылзе семын шыматем,
Олык снегын тамже – тӱрвыштем.
Илыш корно ваш ушен мемнам,
Ӧндалам да ом пу нигӧлан.

Йӧратем да мый шулдыран улам,
Пӱрымаш деч мый пиалым вел йодам.
Кас каваште – ныжыл ӱжара,
Шӱм-чонем тылат гына мура.

Мурын mp3 файлжым «КонтактЫште» мервотышто улшо «МАРИЙ МУРО | МАРИЙСКИЕ ПЕСНИ | МАРИЙСКАЯ МУЗЫКА» тӱшка гыч налме

Мутшым — 2019 ий 12 декабрьысе 48-ше (814) № «Сурт-пече» газет гыч налме