Самырык марий гармоньчо да мурызо Александр Лопкин «КонтактЫште» мервотышто шке у мурыжым темла. Мутшо шкенжынак, семже калыкын, аранжировкым Станислав Устюгов ыштен. Читать далее
Monthly Archives: Ноябрь 2019
Йошкар-Олаште «Ӱдырсий» таҥасымаш эртен
Видео: МЭТР ТВ
Filed under Видео, Тӱвыра да сымыктыш, Увер-влак, Фольклор да йӱла
Раисия Сунгурован почеламутшо-влак
Эстонийын рӱдолаштыже Родо-тукым кечыла кышкарыште «Сылнымут вӱргече: Финн-угор почеламут кас. Поэзий да сылнысем» мероприятийыште Раисия Сунгурова шке почеламутшо-влакым лудеш. Кас Эстон серызе ушемын полатыштыже шыжа тылзын 30-шо кечынже эртен. Читать далее
Валерий Шамов «Пӧртылташ ок лий тудо жапым»
Клипын авторжо Иван Герасимов. Тудак оператор пашам шуктен да монтажым ыштен. CIVIDEO, Марий Турек кугыял.
Мутшо Тamara Кильмаева ден Валерий Шамовын,
семже В.Шамовын
Мемнан рвезе пагыт икте веле,
Ок лий тудым пӧртылтен кондаш.
Сылне жапым мондаш мылам неле,
Угыч возо ушыш шарнымаш.
Кажнылан пуа пиалым
Шке шӱм таҥым корнышто муаш,
Шӱшпык гае вученам мый касым
Тыйын шокшо шӱм пелен лияш.
Припев:
Рвезе жап, каласе, куш каенат умбаке?
Кӧн шӱм-чонжым тый йӧратенат?
Ушешет шарналте вашлиялме жапым,
Лук йӱкетым, рвезе жап, мылам.
Чоҥештен каенат тый кайык семын
Вес эллашке, мый дечем каен.
Южгунам ужам лач омыштем мый,
Ныжылге ӱпетым ниялтем.
Шарналтем мый тыйын ончалметым,
Шке пиал ден куанен илем.
Рвезе жап, кӧлан пуэт кидетым?
Тый дечет йодам мый йӧратен.
Припев:
Рвезе жап, каласе, куш каенат умбаке?
Кӧн шӱм-чонжым тый йӧратенат?
Ушыштем шарнем мый вашлиялме жапым,
Ок лий тиде пагытым мондаш.
Видео: Марий ТВ
Муро текстым 28.11.2019 ий 46-шо (812) № «Сурт-пече» гыч налме
Filed under Видео, Марий муро, Музык, Тӱвыра да сымыктыш
Мер каҥаш погын вашеш йодыштмашым эртара
Йолташ-влак! Латикымше марий калык погын марте пел ий кодын. Сайтыштына вӱдшор тылзын Марий калыкын XI погынжылан ямдылалтме нерген уверым вераҥдыме ыле, воза Марий мер каҥаш. Читать далее
Filed under Увертарымаш-влак
MariUver 