Таче Таллинныште Марий талешке кечым палемдаш тӱҥалыныт. Пайремым сӧрастараш Ээстиш Пошкырт кундем гыч «Таныптӱр сем» ансамбль толын.
Родо-тукым кас Таллинн Тошто олан Музык пӧртыштыжӧ 19 шагатлан тӱҥалын. Тушто эн ончыч Талешке сортам чӱктеныт, кӱчыкын Талешке кече нерген ойленыт. Вара Башкортостан гыч толшо лу еҥан ансамбль концертым ончыктен. Пайрем пырля марла мурымаш-куштымаш дене мучашлалтеш.
Тыгаяк сынан кас эрла Тарту Литератур пӧртыштӧ 18:30 шагатлан палемдыме. Пайремым верысе марий организаций ямдыла да эртара.
Эрлашыжым, 28 апрельыште ансамбль еҥ-влаклан Тарту олам ончыктат. 13 шагатлан мӱндыр уна-влакым Эстон калык тоштерыште вучат. Тушто нуно концертым ончыктат.
Кастеным коллекив Таллинныште «Sabatants» фестивальыште, Tӱрлӧ пӧлеман клубышто, шке мастарлыкшым ончыкта.
Талешке кечым уло Эстоний мучко «Фенно-Угриа Тӧнеж» эртара, Таллинныште — Таллинн марий ушем, Тартушто — Тарту марий-влак ушем полшат.
Пайрем Родо-тукым калык-влак программын, Эстон культур капиталын, Таллинн да Тарту олан полшымышт дене эртаралтеш.
Ешартыш видеом Таллинн пайрем гыч
Фенно-Угрийын Фейсбукыштыжо ончыза >>
26.04.2018 ий Таллинн кас гыч фотосӱрет-влак:
MariUver
Фото да видеом Инга Погонина, Людмила Ямурзина да Алексей Алексеев ыштеныт
MariUver 
Молодцы!!!
Молодцы! Хотелось бы в дальнейшем увидеть и молодежь в составе ансамбля.