27 да 28-ше апрельыште Эстонийын студент олаштыже Марий талешке кечым палемденыт. Мероприятийын рӱдӧ ужашыже «Таныптӱр сем» ансамбльын концертше лийын.
Кугарнян пайрем 18:30 шагатыште Сылнымут пӧртыштӧ тӱҥалын. Ончыч Талешке сортам чӱктымӧ. Сергей Никифоров марий талешке-влак да пайрем нерген ойлен.
«Таныптӱр сем» ансамбль погынышо-влакым шке поян программыж дене куандарен. Каласыман, коллективын репертуарыштыже тошто акрет муро да куштымашат, тачысе кече фольклор номер-влакат улыт. Тыгак ансамбль Пошкырт марийын вургем поянлыкшымат тӱрыс почын пуен, манаш лиеш.
Ансамбль дене пырля Эстонийыш Моско марий чолгаеҥ, корреспондент Елена Минилбаеват толын ыле. Елена марий талешке-влак нерген пеш мотор презентацийым ончыктен. Тудо марий чолгаеҥна, талешкына-влакым илымышт годымат жаплаш да пагалаш кӱлеш манын палемден. Уна, тыгак, Моско Марий Эл землячестве нерген кӱчыкын каласен, да кузе нуно шкешт ты лӱмлӧ кечым палемдат, ойлен.
Мероприятийыш сету «Moizekad» ансамбльын еҥышт-влак толыныт ыле. Нуно «Таныптӱр сем» ансамбль дене ӱмаште Одо кундемыште, Лудорвайыште, «Гурт-fest» фестивальыште, палыме лийыныт. Сету уна-влак пайремын официалле ужашыж деч вара эстон сем почеш калыкым куштыктеныт.
Эрлашыжым, 28 апрельыште, уна-влак Тарту олам ончен савырненыт. Кечывалым 13 шагатлан Эстон калык тоштерыште концертым ончыктеныт.
Тыгеракын, Марий талешке кече Тартушто эртен каен.
27-ше апрель мероприятий гыч чыла видео >>
Тарту Сылнымут пӧртыштӧ эртыше кас гыч фото-влак:
MariUver
MariUver 
Тиде пошкырт калык сем))