Шыжа тылзын 29-ше кечынже Таллинныште, «NO99» театрыште, «HELIjaKEEL» (ЙӰКдаЙЫЛМЕ) циклым почшо «The Lost Word» концерт лиеш.
Концертыште Март Сиймерын «Тале вӱд гоч» марий калык муро негызеш возымо произведенийжат йоҥгаш тӱҥалеш. Ик мурызыжо Анна Мишина.
Циклын тенийысе тургымжо йомаш тӱҥалше йылме да тӱвыра-влаклан пӧлеклалтын. Концерт Родо-тукым кече-влак кышкарыште эрта.
Произведенийым семызе «Фенно-Угрийын» йодмыж почеш 2015 ийыште возен. Тудо «Тале вӱд гоч» марий калык мурым кок мурызо, фортепьяно, кӱсле да виолончельлан келыштаралтын.
Икымше гана произведений ӱмаште Рошто деч ончычсо финн-угор концертыште 7 декабрьыште йоҥген. Тунам А.Мишина дене пырля сопрано Кай Калласту мурен. Кызыт гын произведенийым А.Мишина эстон Арете Теэметс дене пырля йоҥгалтарат.
Тыгак камерле ансамбльлан келыштарыме марий муро Финн-угор калык-влакын VII тӱнямбал конгрессыштым иктешлыше концертыште Финляндийыште шергылтын.
Концертым «Kammermuusikud» ден «Фенно-Угрий Тӧнеж» эртарат.
MariUver
Фото: произведений Финн-угор конгресс годым
Лахти олаште (Финляндий) йоҥга;
концертын афишыже
MariUver 
можо тыште у сем?
«У семын» — по-новому, а «сем» огыл.
можо тыште у семын?
>можо тыште у семын?
А кунам эше марий калык муро камерлын шокташ модернле классик музыко кышкарыште келыштаралтын?
А скажите когда и кем марийская народная песня была обработана для камерного исполнения в стиле модерной классической музыки?