Кай Калласту. Фото: err.ee
Теле тылзын 7-ше кечынже Таллинныште Рошто деч ончычсо финн-угор концерт лиеш. Тушто эстон семызын марий темылан произведенийже йоҥгаш тӱҥалеш.
Концерт радамыште таче кечысе классикле музык да калык сем-влак улыт. Тушто Кай Калласту (сопрано), марий Анна Мишина мурат. Кристи Мӱхлинг кӱсле, Ааре Таммсалу виолончель, Диана Лийв фортепьяно дене шокташ тӱҥалыт.
Тыгак эстон композитор Март Сиймерын марий темылан произведенийже икымше гана йоҥгаш тӱҥалеш. Тудо «Тале вӱд гоч» марий калык мурым кок мурызо, фортепьяно, кӱсле да виолончельлан келыштарен.
Семызылан марий калык муро-влакым ойырен налаш да эстон йылмыш кусараш «Тарту марий-влак ушемым» вуйлатыше Васли Николаев полшен.
Каласыман, эстон да финн лютеран черкылаште марий сем шуэн огыл йоҥга. Марий А. Мишина ден Инга Погонина Вӓлиахотмыт ешлан Финляндийысе да Эстонийысе лютеран погынверлаште чӱчкыдын Российыште илыше финн-угор-влаклан пӧлеклатше мероприятий-влакым эртараш полшат.
Концертым «Kammermuusikud» ден «Фенно-Угрий Тӧнеж» эртарат.
MariUver
MariUver 
Пуры йыд.
Пиш яжо! Мырывлӓм интернетышты колышт кердӹнӓ лиэш?
Уведомление: Марий муро у семын йоҥга | MariUver