Театр гардероб гыч тӱҥалеш

але «Паша пытыш.. ынде малаш ом керт»

shketan_teatrИнтервотым кучылтшо-влак М.Шкетан театрыште пашам ыштыше-влакын марий йылмынам пагалыме нерген каҥашат. Тидым культур министерстват аклен.

Шукерте огыл «КонтактЫште» мервотышто йодыштмаш эртаралтын: «Ойлат, Шкетан театрыште гардероб пашаеҥ-влак мемнан йылме дене огыт кутыро да шкеныштым пеш торжан кучат?» Йодышлан вич кече жапыште 44 еҥ вашештен. Вашештыше-влак кокла гыч 31,8% Шкетан театрыште чынжымак гардероб пашаеҥ-влак шкеныштым торжан кучат манын ойленыт. Нунын кокла гыч 18,2% торжалыкым «шке ужыныт», 13,6% тидын нерген колыныт.

Тыгодым ик пайдаланыше оҥай комментарийым коден: «Гардеробшо йӧра….Вот кунам Шкетан театр артистше-влак коклаштышт рушла ойлат-вот тиде финиш…». А театрын ик артистше тыге возен: «Паша пытыш.. ынде малаш ом керт!….»

Тидын шумлык серыш Марий Эл Республикын Тӱвыра, печать да калык-влакын пашашт шотышто министерствышкат шуын. М.Шкетан лӱмеш Марий калыкле драме театр дене серышыште возымым лончылен, ончен лекмеке, министерстве увертара.

Театрын администрацийже шке пашаеҥже-влак дене профессионал этикым шуктымо шотышто погынымашым эртарен.

Театр — тиде кугыжаныш тӧнеж, садлан кӧра ончаш толшо-влак театрысе пашаеҥ-влак дене Марий Эл Республикын кок кугыжаныш йылмыже денат мутланен кертшаш улыт. Гардероб пашаеҥ коклаште марла кутырышо-влак улыт.

Тиде серышым театрын вуйлатышыже-влак да коллективше шотышко налыныт, умбакыжым нуно шке пашаштым саемдаш тыршаш тӱҥалыт, ман ӱшандарат культур министерствыште.

КонтактЫште улшо материал да
Марий Эл тӱвыра министерствын серышыже негызеш

MariUver

Оставьте комментарий

Filed under Увер-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s