Ече поход маршрутым вашталтен

Марий Турек гыч да Курыкмарий гоч – Чуваш пысманыш

Jeche_1936_suretМарий Элысе мер организаций-влак кумылан-влакым ече ӱмбак шогалаш да Йошкар-Ола–Угарман кужытым эрташ ӱжыныт ыле.

Мер пашаеҥ-влак тидын дене 2015 ий шыжым инициатор семын лектыныт да ты историй сынан мероприятийым илышыш пурташ Марий Элын спорт министерствышкыже, тыгак ялозанлык министерствышке лектыныт ыле. Шонымашыже тыгай лийын – тышке чылан ушнат да пырля эртарена манын.

Чаманаш гына кодеш, икмыняр гана ужын кутырымо да телефон дене кылым кучымо деч вара кок министерствыжге «тыпланышт». Пуйто маньыч: «Мемнан шкенанат планыш пуртымо мероприятийна шуко. Ме эн ончыч нуным эртарена. Вуеш ида нал…» Марий мер пашаеҥ-влаклан угыч чыла сомылым шке ӱмбаке налаш гына кодо.

Палемдена, 1936 ий февраль тӱҥалтыште Йошкар-Ола гыч Горький марте 500 ударник-колхозник ече дене кундемысе слётыш тарванен. Патыр лийыныт тунам!

А кызыт 80 ияш историй сынан ече корныш шогалаш кумылан-влак деке марий мер калык деке ӱжмаш дене лекташ гына кодеш:

«Марий Элыште илыше калык! Историй шот дене мемнан пӱрымашна ойыраш лийдымын кылдалтын. Сандене мемнам ойыраш да ойыркалаш тӧчымӧ ок кӱл. Ме калыкым могай партийыште шогымыжо але могай юмылан кумалмыж дене огына ойыркале. Ме ик пӱрымаш дене кылдалтын улына, сандене мемнам шалатылаш ок лий. Историйнам, Марий кундемын историйжым палаш да тудым ончыклык тукымлан арален кодаш ме ече корныш шогалына. Да тышке ушнаш кундемыштына илыше чыла калык-влакын ӱдыр-эргыштым ӱжына.

Айста, патыр кугезына-влакын 1936 ийысе примерыштлан эҥертен, юбилейлан пӧлеклалтше тиде спорт мероприятийым кӱкшынрак да кумданрак эртарен колтена. Вет 80 ий ончыч изи Марий автоном область (эше МАССР-ат лийын шуын огыл) 500 ечызым Горький марте тарватен кертын да чап дене эртарен колтен. Нуно чыланат ты кужытым сеҥеныт, кундемысе слётыш миен шуыныт. Ӧрмаш – но факт.

Таче мемнан поход маршрутна ончычсо деч вашталтын. Ме Марий Элын ик мучашыж гыч вес мучашыже марте эрташ шонена.

Старт пуалтеш 2016 ий 10 мартыште Марий Турек посёлкышто 12.30 шагатлан. Кумылан-влак чылан тышеч тарванен кертыт. Тарваныше калык гыч 10–15 еҥже палемдыме корным мучаш марте сеҥен лекташ шона, а тидыже 200 утла меҥге лиеш. Финиш – Курыкмарий район да Чуваший ушнымаште лиеш. Сандене мемнан дене пырля чуваш ечызе-влакат лийыт манын ӱшанена.

Ечыгорнына Марий Турек – Олор – Параньга – Матародо – Кужэҥер – Советский – Йошкар-Ола – Медведево, Килемар, Курыкмарий районла гыч эрташ тӱҥалеш. Ты кундемлаште угыч моло ечызе-влакат ушнен да икмыняр кужытым эртен керыт. Кажне кечын айдеме шот дене каныш лиеш. Ечызе-влакым посна «Газель» ужатен кая, а туштыжо тӱрлӧ кӱлешан шапаш ӱзгар-арвер, икмыняр организатор да медперсонал лийыт.

Палемдена, ечыгорнына марий, руш, татар, удмурт, чуваш да моло калык гыч лекше ечызе-влакым уша. Сандене ме тудым «Калык шке историйжым ок мондо» манын лӱмденна. Тиде ече корно эстафете Марий кундемыште ялозанлыкым нӧлталаш, ял калыкын пашажым аклаш туныкташ, колхоз шотан озанлык-влакым угыч кумдан шарен колтен, Марий кундемыштына илышым тӱзаташ кумылаҥдаш виктаралтын.

Садлан тиде мероприятийым эртараш «Марий ушем» РОО, «Марийский мир – 21 век» Ассоциаций вийыштым пыштат, а спонсор семын «Звениговский» совхоз кугун полша. Тыгак верласе администраций, ялласе поро кумылан еҥ-влаклан, организаций ден ведомство-влаклан тӱрлӧ шот дене полшымыштлан тауштена.

Чыландамат, пагален, мемнан деке ушнаш, кугезына-влакым порын шарналтен, у тукымлан примерым ончыкташ ӱжына!

Ече корныш шогалаш чолга кумыл, пеҥгыде тазалык да историй шарнымаш верч мелын лиймаш кӱлыт».

Мемнан дене тыгай телефон гоч кылым кучаш:
– +7-906 335-84-48; +7-964 861-87-61; +7-902 671-99-65.
– факс (+7-836 2) 466 611.
– E-mail: laid.kozlov@mail.ru

Оргкомитет

Фотосӱретлаште:
1936 ийысе «Марий коммун» газет гыч копий-влак

Налмывер: Марий ушем

Оставьте комментарий

Filed under Артикль-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s