Кырык мары кымдемӹн дӓ Цикмӓ халан кырык мары йӹлмӹ доно сирӹмӹ карты лӓктӹн.
Тӹштӹ кырык мары кымдемӹн солавлӓм дӓ Цикмӓн ӧлицӓвлӓм анжыктымы. Кырык мары кымдем гишӓн, пӓлӹк вӓрвлӓ доно айыртемӓлтшӹ солавлӓ дӓ Цикмӓ гишӓн сирӹмӹ.
Анатолий Семятнёв
Налмывер: КонтактЫште
MariUver 
саламлем! яжо паша!
2014 ин, 5 апрельӹн мӹнь Угарман марывлӓн автономи шӱдӹмӹ семӹнь( вуйлатышыжы Анатолий Семятнёв) Нижний Новгород халаш миэнӓм ыльы, тӹштӹ кырык марынвлӓ анзылны кырык мары сӹлнӹшая гишӓн хытыренӓм дӓ Николай Владимирович Морохин донат пӓлӹмӹ линӓм, кыды ННГУ-н профессоржы ылеш. Морохин ӹшкежӹ рушын гӹнят, пиш яжо краевед дӓ мары халык гишӓнӓт шукы пӓшӓм сирен. Шая тӹштӹ кымдан кеен дӓ тӹлец пасна Н.В. Морохин марла картым лыкмы гишӓнӓт попыш дӓ мӹньӹмӓт текстӹм сӓрӹшӹ семӹнь палшаш тӹнӓм яды. Текстшӹ 5 страница велеӓт, мӹньӹ тидӹм ик-кок кечӹшток рушла гӹц марлашкы сӓрӹшӹм дӓ электронкы доно колтышым. Ти текстӹштӹ истори,археологи, архитектуры пӓлӹк вӓрвлӓм марла сирӹмӹ, тошты кымалмы вӓрвлӓм дӓ весы-молымат пӓлдӹртӹмӹ. Веремӓ эртӓ дӓ эртӓ, а карты гишӓн ик юкат ак шакты доко. Но теве имештӹ ноябрь тӹлзӹн токем Морохин ӹшкеок звоньыш дӓ кым кечӹштӹ мӹньӹм хынала вычы маньы. Лачокат, 17 ноябрьын тӹдӹ Павлов Дмитрий Геннадьевич доно( кандидат наук) Йошкар-Олаш токемок толын шагалевӹ дӓ вӹц авторский экземплярым мӹлӓнем пуэвӹ. Картым лыкташ кырык мары фермервлӓ Пекунькинвлӓ, Микряковский потребительский общество палшенӹт. Кого пӓшӓм Анатолий Семятнёв ӹшкежӓт ӹштен. Икманаш, тидӹ тенге сек пӹтӓришӹ марла карты лин. Мӹнь увертӓрӹмӹ семӹнем, тидӹ гишӓн кырык мары «Жерӓ» район газетеш (1/2016) пиш яжо статьям Ипполит Лобанов сирен, «У сем» журналышкат ик экземплярым пуэн коденӓм, кырык мары землячество погынымашыштат келесенӓм. Карты Йошкар-Олашты книгӓ пӧртӹштӹ выжалалтеш, ӓкшӹ 105 тӓнгӓ.
Пуры вады.
Пишок яжо!
>Икманаш, тидӹ тенге сек пӹтӓришӹ марла карты лин.
Марий Элын икымше марла кугу картыжым Эстонийыште илыше Юрий Гордеев 6 ий ончычак луктын.
Карту Марий Эл на марийском составил житель Нарвы
http://mariuver.com/2010/03/29/kartu-mari-el/
Тушто курыкмарий илем (населенный пункт) лӱм-влак, векат, курык марлак пуалтыныт. Кугырак картым ышташ шонеда гын, Юра дене кылым кучен кертыда ман шонем.
Пӹтӓриш кырык-марла карта лин.
Уведомление: Чыкмалан пӧлеклалтын | Марий калык газет
Уведомление: Чыкмалан пӧлеклалтын Курыкмарий йылме дене ямдылыме карт лектын. | Марий калык газет
Olmasad
Пуры кечӹ.
Кӱ кырык марла сирӓ, пӹтӓри «Кырык марла орфографии лӹмдерӹм» тымень, анжен лӓкдӓ. Самыньвлӓ доно сирӹшӹвлӓ йӹлмӹнӓм шотеш ак пиштеп. Кӹзӹтшӹ сирӹшӹвлӓ цилӓн кӹдӓлӓш школвлӓм тымень лӓкшӹвлӓ ылыда, седӹндон ӹшке школдам дӓ тымдышывлӓдӓм идӓ намысландары.