Йошкар-Олаште Водопроводный урем, 48 адрес дене у ялозанлык кооператив пазар почылтын.
Мланде пашаеҥ-влаклан шке ончен-куштымо пакча-саскам, шылым да моло сатум ужалаш лӱмын ямдылыме 250 вер уло. Пазар кажне кечын 8 шагат эр гыч 7 шагат кас марте ышта. 60 наре машинам шогалташ посна кумдык уло.
Ял озанлык министрын алмаштышыже Юрий Новосёловын мутшо почеш, пазарыште ужалыше-влакым кок тӱшкалан шелыт: шуко да кажне кечын сатум ужалыше эре ик верыштак лиеш, молышт ик кечылан верым айлаш тӱҥалыт.
Олаште илыше-влаклан пазарыш мияш йӧнан лийже манын, калыкым шупшыктышо транспортын маршуртшым вашталташ да пазар воктене остановкым ышташ палемдыме.
Тидын нергенак «Марий Эл ТВ» каласкала:
Налмывер: Увер йолва
MariUver 