Самырык-влаклан пӧлеклалтше «Кугарня» газет у вот лаштыкым темла. Марий увер-влакым ынде http://www.кугарня.рф сайтыште лудын кертыда.
Тыгак посна журналист дене палыме лийын кертыда. Кажне материал йымак шке шонымашдам возен, йодышда-влакым серен кодаш йӧн уло.
Тидын годымак, ушештарынем, «Кугарня» газетышке шке увердам колтынеда гын, серышым 424006, Марий Эл Республик, Йошкар Ола, СССР Воружённый Вийын 70-ше идалыкше лӱмеш урем, 20-шо №-ан пӧрт, тел/факс (+7-8362) 454 372, 451 188, 451 128, e-mail kugarnya@mari-el.ru дене, кылым кучен кертыда. Подпискымат ышташ темлена 2014 ийын икымше пелийжылан подписке мучашлалтын гынат, кажне тылзын 15 числа марте почтыш каен возалташ лиеш. Тендан деке газет вес тылзе гыч мияш тӱҥалеш. 2014 ийын кокымшо пелийжылан подписке апрельыште тӱҥалеш. Подписчик-влак коклаште лотерей модалтеш. Подписке индекс: 73928 Почто гоч пелияш ак: 344 теҥгеат 22 ыр. Редакций гоч возалташ: 200 теҥге.
Подписчик-влак газетым савыктен лукмо кечынак шкеныштын электрон адресышкышт газетын PDF формат дене электронло версийжым налын кертыт. Тидлан +7 964 862 34 20 номерыш 200 тенгем пыштыман да оксам пыштыме нерген смс-ым колтыман. СМС-ыште оксам кӧ пыштыме нерген палдарыман: лӱм, фамилий да электрон почтыдан адресшым ончыктыман. Пелияш акше – 200 теҥге.
Пурыза да ончыза «Кугарня» газетын у вот лаштыкшым лудса, аклыза, каҥашыза.
MariUver 
Пеш сай, сайт-влак ышталтыт…
PDF формат дене электронло версийже мылам ярат огеш кул почтым засорятлаш. Ыштыза нормальный лаштыкым мариувер гай.
Тыште кажныжын шке шонымашыже. Тыланда сайт огеш келше гын, весылан садиктак келша. Ме тӱрлӧ улына гынат, но ме марий калык улына.
лудшо, мый тый денет изиш келшем. Чынжымак марла газет, сайт-влакым калык яражат пешыжак ок луд, а тыште лач оксала гына темлат. Тендан pdf-вариантдам иктаж 10 еҥ лудеш, пеш шуко оксам ыштенда? Молан марий-шамыч тыгай оксалан сут улыда? Шот дене ни газетым, ни тудын сайтым ыштен огыда мошто, но эре оксам кӱрын налнеда. Мый pdf-м налам — тӱленам. Но чынжымак газетышда лудашыже пешыжак нимом. Адак газетадам шотошо дене таче кечысе журналистикын йодмыжлан ни ыштен, ни сӧрастарен огыда мошто. 60-шо ийласе семын сӧрастарен, 70-80-шо ийласе семын йокрокын возгален киеда… Кӧн тыгай газетым лудмыжо шуеш? Оксала огыл, яражат…
чыным ойлет, лудшо. мый,например,pdf-м ик пагыт марла газет-влакым поддержатлаш гына нальым (марий эл., чолман). чынак нуно почтым гына засорятлат (переполнятлат), окашат нуным йосо. а мый йоратеми окаш да туштак сразу коментироватлаш. мариувер в этом плане — мылам идеальный вариант, хоть «бананым» тудын деч шукырак налам гынат. умлыза прамай,марий газетлан окса жплке огыл,
чыным ойлет, Окышо. лудшо мый улам)))
«Кидшер» сайт тыште нимат ыштен огеш сене, нелеш ида нал, но ме тыланда уверым гына темлена лудаш. А «Кугарня», «Марий ЭЛ», «Чолман» газет-влак мемнан семынак кертмышт семын пашам ыштат. Ятыр проект-влак окса дене ышталтыт гын, ме шке вий дене ыштена… Умылыза тидым, йоратыза шочмо йылмым…