«Марий Эл» ансамбльым вашталтыш-влак вучат

Марий кундемнан тӱҥ куштышо ансамбльжым лишыл жапыште кугу вашталтыш-влак вучат.

Кеҥеж каныш гынат «Марий Эл» ансамбль чот репетироватла. Вашке тудо Мордовийын рӱдолашкыже тарвана. Тушто 23-26 августышто «Ме чыланат — Россий» фестивальыште «Марий мландын тӱрлӧ тӱсшӧ» концерт программым ончыкта.

Тыгак, ансамбль у тӱҥ балетмейстерым Моско гыч вуча. «Марий Эл» ынде ик ий утла вуйлатыше деч посна ила. Коллективыш самырык вий ушнымылан кӧра ӱдырамаш куштызо-влак ситат гын, пӧръеҥ куштызо-влак кӱлеш чот деч шагалрак.

Ансамбльын вургемжат тоштемын, шке вержат уке. Но марий филармонийым вуйлатыше Иван Егоровын ойжо почеш вес ий филармонийлан 2 миллион теҥге оксам ойырат.  Тушеч ансамбльлан у сценылык костьюмым ургаш оксам пуат.

Тыгак, марий филармонийылан у полатым чоҥаш тӱҥалыт манын И. Егоров ӱшандара. Але марте филармонийат, ансамбльат шке вер деч посна иленыт да илат.  Тидын нерген РЕН ТВ — 12 РЕГИОН каласкала:

MariUver

6 комментариев

Filed under Видео, Увер-влак

6 responses to “«Марий Эл» ансамбльым вашталтыш-влак вучат

  1. Чолгаеҥ

    Черке ден тӱрлӧ кӱлдымаш памятник-шамычым лу дене чоҥат, марий культурылан эре окса уке. Ик марий театрынат да моло марий учрежденийын: филармонийын, «Марий Эл» ансамбльын, писатель ушемын шке посна зданийышт уке.
    Кӧ тиде ансамбльыш пашаш толеш? Тушто вет пашадарже воштылтыш! Ик палымем ынде 20 ий утла саде «Марий Элыште» пашала. Илен лекташ манын эше вес 2-3 пашаш коштеш.
    Ансамбльлан у вургемым ургымышт годым, шонем, марий вургемын могай лиймыжым шотыш налыт. Ончалыт музейлаште могай марий вургем 100 ий утла лийын. Уке гын мом лиеш тудым ляпкат да «марий вургем» манын тӱня мучко ончыктен коштыт.

  2. Лайд

    Маркелов эре ен:ым вурсен ила. 12 ий эртен, ансамбль — тугаяк «чара»да суртдымо. Молан Татарстаныште вес су:рет
    12 ийыште президент мыняр вургемым вашталтен чиен? Иктат шотлен огыл?

  3. Ямаков Н.И. Ижевск

    «Марий Эл» пагалыме ансамбльлан полшыман. Чыла марий калык нолталалтса, чыла вере ойлыман шкенан ансамбль нерген. Ведь могай сай концертым ончыктышт кодшо ийыште Ижевскийыште. Айдемылак кызытат шарнат, вучат. Одо кундемыште «Италмас» ансамбльын тоже нелылыкше ыле, но ведь чылан умлышт национальный ведущий коллективым пытараш ок йоро, кулеш полшаш…

  4. салика

    А Марий самырык театр ден Марий тӱвыра рӱдер нергенже ойлыманат огыл… Могай пӱрымаш нуным вуча? Умбакыжат тыгак илаш тӱҥалыт мо?

  5. ЛомЭр

    Моско гычын у вуйлатышыже марий огыл гын, репертуарыште марий шӱлышым кузерак шыҥдарен сеҥа манын йодыш лектеш.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s