Китайыште марий урок эртен

Шукерте огыл Китайысе Тунлян 1-ше №-ан кыдалаш школышто марий урокым эртарышым.

Ача-авамат, йолташем-влакат китай икшыве-шамычым марий- влак дене палдараш темлат ыле. Мый эре программа почеш туныкташ тöченам. А теве тыгай йöн лекте! Координаторем Гарфилд лӱман китай ӱдыр Марий Элем, шочмо калыкем нерген каласкалаш йодо.

Кугу сумкашке марий тувыр-шовырым, сылне ончылшовычым, шӱшерым, шыркамам, шиян ӱштö ден рывыж упшым пыштен, школыш ошкыльым. Шӱмем вургыжеш. «Ош Поро Кугу Юмо, шке калыкем, тудын йӱлаж нерген оҥайын каласкалаш да марий калыкын моторлыкшым ончыкташ йöным ыште», — тыгай шонымаш дене омсам почын веле шуктышым – мыйым совым рӱж кырен вашлийыч. «Ой, Юмыжат, — шонем, — оҥешем сакыме марий тӱран ош мотор галстук тыге öрыктарен гын, марий сӱан вургемым ончыктымекемже, мо лиеш?»

Тунемше-влак каласкалымем уло кумылын колыштыч. Вара иктын- иктын кондымо арверем ончыктышым. Ӱдыр-рвезе-влак, ӱчашен-ӱчашен, марий вургемым кучен ончаш тöченыт, вет нунын дене тыгай чием экзотикылан шотлалтеш. Сумка гыч йошкар рывыж упшым лукмекем, чылан ик йӱк дене «Мото-о-о-о-р» манын кычкыральыч. А сöрастарыме ший аршашым да ужар сывыным ончыктымем годым класс мӱкш омартала гӱжлаш тӱҥале… Мый öрмалгенат колтышым, но чонемлан лыж лие.

Таум ыштем ача-авамлан марий ешыште куштымыштлан, тау Галина Александровна Щербаковалан кодшо ийын мастар кидше дене чапле марий тувырым ыштен пуымыжлан, «Сайвер» ательелан мотор галстукым тӱрлымыжлан. Марий ӱдыр улмем да шочмо калыкем нерген йот элыште илыше-влаклан каласкален кертмем дене моткоч кугешнем!

Снежанна МИЧЕЕВА,
Китай

Фото С.Мичееван блогшо гыч

Налмывер: «Марий Эл» газет

1 комментарий

Filed under Артикль-влак

One response to “Китайыште марий урок эртен

  1. Эрвий

    Ай да Снежана! Кузе мотор возен, кидым совена! Молодечак тиде чолга ӱдыр, могай мӱндыр элыш миен шуын гынат, марий шӱлыш денак ила да вес элыште илыше-влаклым марий тӱвыра дене палдара! )))

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s