Марий йылме дене олимпиаде эртен (ВИДЕО)

Тӱҥ шинчымашым пуышо тӧнежласе 9-11 класслаште тунемше-влаклан 18 февральыште Марий кугыжаныш университетысе Финугршанче институтышто тунемше-влакын этнокультур йодмашыштым да йылме праваштым шуктышо предмет-влак дене республик да регион-влак кӱкшытан олимпиаде-влакын пытартыш этапышт эртен.

Таче ме тудын лектышыже дене тендам палдарена. Марий йылме дене ты гана чылаже 40 ӱдыр-рвезе шинчымашым терген. Икымше верым налыныт: В.Герасимова (Морко район, Нужключ школ, 9 кл., туныктышо М.П.Петрова); В.Оразаева (Морко район, Унчо школ, 10 кл., Л.Н.Александрова); Н.Егошина (У Торъял район, Немда школ, 11 кл., Л.А.Садовина).

Марий кугыжаныш йылме дене 29 тунемше лийын. Икымше вер дене палемдалтыныт: Н.Садовина (Советский посёлко, 3-шо №-ан школ, 9 кл., Э.Я.Маркова); П.Александров (Морко посёлкысо 1-ше №-ан школ, 10 кл., Г.М.Васильева); А.Радыгина (Кужеҥер посёлкысо 2-шо №-ан школ, 11 кл., Н.П.Головина).

Марий литератур дене 26 еҥ шинчымашым ончыктен. Икымше верыш лектыныт: Т.Пенькова (Курык марий район, Кузнецово школ, 9 кл., О.С.Микрякова); А.Павлова (Морко район, Унчо школ, 10 кл., Л.Н.Александрова); С.Мухамедияров (Татарстан, Мензелинский район, Калтак школ, 11 кл., А.Ф.Яикбаева).

ИКН дене 20 тунемше лийын. Эн сай шинчымашым ончыктеныт да икымше вер дене палемдалтыныт: А.Романова (Советский район, Ургаш интернат-лицей, 9 кл., Р.Ю.Яншитова); Э.Логинова (Морко
район, Зеленогорский школ, 10 кл., М.А.Воробьёва); А.Нефонтов (Куженер посёлкысо 2-шо №-ан школ, 11 кл., Т.П.Перерезова).

Тышечын эн ончычак теве мо коеш: Морко районысо Унчо школышто марий йылмым да литературым туныктышо Л.Н.Александрован кок тунемшыже, В.Орзаева ден А.Павлова, икымше верыш лектыныт. Арам огыл тыге палемдена, тунемшын ончыл верыш лекмыже — тиде туныктышын сеҥымашыже.

«Марий Эл ТВ»-н олимпиаде нерген видеосюжетше:

Снимкыште: олимпиадын участникше- влак — заданий-влакым шуктымо годым. М.Скобелевын фотожо

Налмывер: «Марий Эл» газет

1 комментарий

Filed under Видео, Увер-влак

One response to “Марий йылме дене олимпиаде эртен (ВИДЕО)

  1. Никитин С.П.

    Свердловский областьын тунемшеже миен огыл мо?

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s