Марий шанчызе Иван Иванов колен

Теҥгече, 2012 ий 11 февральыште филологий шанче доктор, профессор Иванов Иван Григорьевичын шӱмжӧ кырымым чарнен. Тудо пытартыш кече марте Марий кугыжаныш университетысе Финн-угор институтын директорын алмаштышыжлан пашам ыштен. Иван Григорьевич дене чеверласымаш эрла, 13 февральыште Марий кугыжаныш университетыште, Йошкар-Ола, Пушкин урем, 30, 11 шагатат 30 минутлан лиеш.

Иван Григорьевич Иванов Кужеҥер район Чодраялеш 1935 ий 15 агаште шочын.

У Торъял педучилищым (1953), МГПИ-м (1960), Тарту университетысе аспирантурым (1964) тунем пытарен. Школысо туныктышылан, МарНИИ-н шымлызыжлан, сектор вуйлатышылан тыршен.

1975 ий гыч МарГу-што пашам ыштен. Шочмо йылмын вияҥмыже, диалектше, мут поянлыкше нерген 300 утла шымлымаш пашам возен. Ик литератур йылмым ыштымаште чолгалыкым ончыкта.

Филологий шанче доктор (1975), профессор (1981), «Марий ушем» мер толкыным угыч шочыктышо кокла гыч иктыже. Иван Григорьевич МАССР шанчын да Российысе кӱшыл школын сулло пашаеҥже. Тудын чапле пашаже Эстон Республикын «Маарьямаа Ырес» орденже дене палемдалтын.

2011 ийыште Кугыжаныш премий дене палемдалтын.

2012 ий 11 февральыште шӱмжӧ кырымым чарнен.

Налмывер: Увер йолва

4 комментария

Filed under Увер-влак

4 responses to “Марий шанчызе Иван Иванов колен

  1. tymai

    Кийыме мландыже пушкыдо лийже….

  2. Никитин С.П.

    Иван Григорьевич каен — пашаже кодын. Узьмакыште лийже…

  3. Аноним

    Мемнан марий йылмынана дене ынде мо лиеш? Васикова да Лаврентьев-шамычлан садак вуйнам огына пу!!! Кийыме мландыда пушкыда лийже, Иван Григорьевич.

    Тендан студентда-влак.

  4. Tsikma

    Хельсинкиштӹш Кырык Мары Клуб профессор Иван Григорьевич Ивановым ӓштен, ойхырымыжым пӓлдӹртӓ.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s