Кумшо марий самырыктукым слет Курыкмарий кундемыште эрта

Марий самырыктукымын кумшо слётшо тений сӱрем тылзын 10-15 кечылатыже лиеш.

Ӱдыр-рвезе-влак ты слётым моткоч йӧратен шынденыт. Кодшо ийысе толшо-влак Интернет полшымо дене кылым кучат, тунеммышт, пашашт, куанышт, сеҥымашышт дене палдарат. Слёт марий самырык тукымлан волгыдо ончыклыклан ӱшаным пуэн, чолга вий-куатым ешарен да ӧрын-вожыл шогымо койышым кораҥдаш полша. Сандене ӱдыр-рвезе-влак тышке уэш-пачаш толаш кумылан улыт.

Марий самырыктукымын икымше слётшо 2009 ийыште Морко районысо Посна туныктыман Октябрьский интернат-школышто лийын. Ӱмаште Советский районысо Ӱшнур школышто эртен, а тений ӱдыр-рвезе-влак Курыкмарий район дене палыме лийыт.

III слетын группыжо «ВКонтакте»-ште >>

Налмывер: Кугарня