Вӱдшор тылзын 26-28 кечылштыже Марий Элыште Мер Каҥашын эртарыме Марий форумын шошымсо сессийже эртен. Тушто Российысе марий-влакын тӱшкан илыме кундемла да Марий Эл гыч шӱдӧ утла еҥ пашам ыштен, увертара «Марий Эл» газет.
Ончышаш йодыш-влак кокла гыч тӱҥлан регионлаште марий-влакын калыкле-тӱвыра автономийыштым регистрироватлыме йодышым шындыме. Шке паша опытышт дене Угарман ден Татарстан кундем-влак палдареныт. Марий Элысе Юстиций министерствын пашаеҥже Т.А.Русских регистрироватлымаш дене кылдалтше кагаз пашам кузе чын да писынрак ыштен колтымо нерген ойлен.
Мер пашам шуктен шогаш шагал огыл окса кӱлеш. Сессийыште тиде нелылык гыч лекташ полшышо ик йӧн дене палдареныт. «Проект паша» семинарым «Финн-угор калыккультур проект» регион-влак кокласе форум» проектым вуйлатыше Татьяна Юзыкайн эртарен.
Тиддеч посна Марий форумыш толшо-влак Талешке кечылан пӧлеклалтше мероприятийлаште, а тыгак Шернур посёлкышто «Йыван Кырла лудмаш» шанче-практик конференцийыште лийыныт да Мер Каҥашын пленумыштыжо Куженер, У Торъял, Марий Турек, Параньга, Шернур районысо марий-влакын мер ушемыштын докладыштым колыштыныт.
Текст: «Марий Эл» газет
Видео: video.vmariel.ru
MariUver 
Онай,рушла вариантыште 80 наре ен толын манын пуа Мари увер.А марлаштыже Мер канашын форумышто 100 ен утла пашам ыштымым лудына. Кудыжлан ушанаш? Ала 15-20 еным погат да вара кугу форум семын ончыкташ турло цифрым ончыктылыт? Мер канашын погынымашыштыже мыняр калык пашам ыштымым огыт шотло,векат.Мутлан, молан пуаш огыл кажне регион мийыше–влакын чотыштым,комыт нуно улыт,сессийыште кузе пашам ыштеныт да могай йодышым тарватеныт,канашеныт… Угарман ден Татарстан шке паша опытышт дене палдареныт. А Пошкырт гыч иктаже лийын мо?Марий Эл почеш эн шуко марий илыме кундем гыч мыняр ен миен?Эврелмарий культурный автономийын палдарышаш сай опытшо уке,очыни
MariUver огыл, а «Марий Эл» газет да «Марий Эл ТВ», ончыза кушеч информацийым налме. Мый тушто лийын омыл садлан каласен ом керт мыняре лийын.
Тау.Ужынам,могай источник гыч налме уверым.Мый вет Марий уверлан але источник–влаклан огыл кудыжлан ушанаш манын возенам, а ен–влакын мыняре лийме цифрлан.Вет цифрым организатор–влак деч йодде огыт кучылт чай?
MariUver Тендан гаяк ик еҥ веле, шуко пашаеҥан инфоагенстве огыл, чылажым терген шукташ ни вий, ни жап, ни окса ок сите.
Hi !!! Good job!