28 мартыште Марий Эл Республикысе Тӱвыра, печать да калык-влакын пашашт шотышто министерствын конференц-залыштыже «Кызытсе марий самырык тукым. Кӧ тудо?» «йыргешке ӱстел» сынан вашлиймаш эртен.
Тушто марий мер ушем-шамычын вуйлатышышт, вуз-влакын студентышт, чолга ӱдыр-рвезе-влак, марла лектын шогышо газет ден журналын, тыгак радио ден телевиденийын пашаеҥышт лийыныт.
Кок шагат утла шуйнышо мутланымаште кум кугу йодышым каҥашыме: марий самырык-влакын республикын илышыжым тӱзатымаште гражданле позицийышт, самырык тукымын туныктымо, усталык да шанче пашаште тургыжландарыше йодыш-шамыч, марий мер организаций-шамычын ончыкыжым, вашла эҥертен, иквереш пашам ыштымышт.
А вашлиймаш деч ончыч «ВийАр» ушем ӱдыр-рвезе-влак коклаште «Кызытсе самырык тукымын чурийже. Тудын социалле да мер-политик илышыште чолгалыкше» йодыштмашым эртарен.
Погынымаште марий самырык организаций-влакын ончыкылык пашашт нерген кутырен келшыме.
Налмывер: «Марий Эл» газет
MariUver 
могай иктешлымаш — кӧ улеш мари самырык тукым?
Анонимлын (анонимно) возымо шонымаш-влак автоматлын (автоматически) спамыш каят. Садлан налза шкаланда ик лӱмым да эре тиде лӱм дене возыза.