«Шочмо кундемын семже» Моркышто йоҥген (ВИДЕО)

Морко районысо калык усталык, тӱвыра да каныме рӱдерыште Марий АССР культурын сулло пашаеҥже Пётр Павлович Эчейкиным шарныме лӱмеш республик кӱкшытан «Шочмо кундемын семже» фестиваль-конкурс эртен. Тушко Марий Элын чыла кундемже гыч 32 коллектив толын.

Шкекумылан артист-влак ансамбль да посна номер дене калык ончылно мастарлыкыштым ончыктеныт. Шӱвыр-тӱмыр, кӱсле, шиялтыш, гармонь, томбро да моло калык сем инструмент почеш марла, татарла, рушла сем, муро-влак йоҥгеныт.

Тиде фестиваль-конкурс тӱрлӧ калык семӱзгар дене палдараш, тудым арален кодаш да самырык талантлан корным почаш манын эртаралтын. Тыршымаш, векат, арам огеш лий: кажне ийын самырык-влак тиде фестиваль-конкурсышто шке вийыштым тергат веле огыл, ончыл радамыш лектыт.

Жюри (вуйлатышыже сымыктышшанче доктор Олег Герасимов) шкетын шоктышо-влак коклаште тыгай сеҥыше-влакым палемден: «Оршанка вел куштымо сем» дене Ӧршасола районын гармончыжо Н.Семёновым, «Морко сӱан» да «Марий темылан фантазий» сем дене Морко район, Волаксола школышто тунемше уста кӱслезе Е.Порфирьевам, Ядринский районысо чуваш мурсем дене Курык марий велын кӱслезыже Г.Денисовам.

Ансамбль-влак коклаште Морко район гыч «Марий темылан фантазий» сем дене «Морко кундем» ансамбль (вуйлатышыже Ю.Осипов) икымше верым сеҥен налын. Кокымшо верыште Анатолий Ермаковын концертлан пьесыж дене Республикысе И.Палантай лӱмеш тӱвыра да сымыктыш колледж гыч «Памаш шинча» ансамбль (вуйлатыше В.Петрова) да «Курык марий темылан фантазий» сем дене Курык марий район, Микряк вел гыч кӱслезе-влак (вуйлатышыже Ф.Эшмякова) лийыныт. Кумшо верыш «Вӱдшӧ йога — серже кодеш» композиций дене Звенигово район, Чакмарий школын «Чак» ансамбльже (вуйлатышыже А.Андреева) да «Курык марий сем-влак» дене У Роҥго район, Алексеевский СДК-н калык семӱзгар ансамбльже (вуйлатышыже А.Рябинин) лектыныт.

А.Титов

Снимкыште: П.Эчейкинын шочмо Эҥерсола ялжын мастарже-влак

Налмывер: «Марий Эл» газет

1 комментарий

Filed under Артикль-влак, Видео

One response to “«Шочмо кундемын семже» Моркышто йоҥген (ВИДЕО)

  1. Уведомление: Шочмо кундемын семже | Увер йолва

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s