Пошкырт марий-влак нерген кином Эстонийыште ончыктат

Пошкырт марий-влак нерген фильмым Эстонийыште ТВ да кинофестивальыште ончыктат.

Вашке Таллинныште марий кинорежиссер Алексей Алексеевын «Мӱкш отар» («Sülem») чынилыш киножым ужаш лиеш. Фильм «Эстон кино кече-влак — 2011» фестиваль программыш пурталтын да ӱярня тылзын 10 кечынже 13.00 шагатлан «Solaris» кионтеатрыште тӱҥлеш.

Марий фильмым «Этномедий» кино фирмыште ыштыме, видеом Таллинн университетыште иктыш погалтын да диктор йӱкым Эстон музык академийыште возалтын.

Фильм Пошкырт кундемын Мишкан районыштыжо илыше марий-влак нерген каласкала. Башкир-влак тӱжем ий годсекак мӱкшым кученыт. Эрвел марий-влакат, пошкырт-влак деч тунемын, мӱкшым ашнаш тӱҥалыныт. Башкир мӱй ожнысек тиде элын ойыртемжылан шотлалтын.

Марий йӱла почеш, оза мӱй пӱрым уналан йӱктымӧ деч ончыч шке подылшаш улмаш. Тӱжем утла ий ожнысо шӱгарыште, моло арвер дене пырля, чодыра мӱкшызын ӱзгаржымат мумо. Пещерыште улшо кӱ ӱмбал сӱрет-влак эше первобытный общиныштак мӱкш кучымым ончыктат. Ик шонымаш почеш, «пошкырт» (башкорт) лӱм кок тюрк мут гыч шога: «баш» (вуй) да «корт» (мӱкш).

2010 ийыште ноябрь тылзыште «Мӱкш отар» чынилыш кино Франциште, Парижыште, Марий кечылаште француз йылме дене ончыкталтын. Тушто фильмым йот элыште марий йылмым тунемше да финно-угор тӱвырам шымлыше-влак ончен кертыныт.

Тений вӱдшор тылзын «Мӱкш отар» кином Эстон телевидений дене Марий талешке кече вашеш оныктат.

Алексей Алексеев

А.Алексеевын фильмже-влакым интернетыштат ончаш лиеш, 3 киножын марла вариантше уло:
http://vision.rambler.ru/users/marifilm/

Куд киножым эстонла ужаш лиеш:
http://toru.ee/videos/alexfilm

Кудытым англичанла:
http://vimeo.com/user3054842/videos

1 комментарий

Filed under Видео, Увер-влак

One response to “Пошкырт марий-влак нерген кином Эстонийыште ончыктат

  1. Илья Бирский

    Башкыртын илемже — юрта, нуно — кочевой калык: таче — тыште, эрла — тушто, степьын вес лукышто. Могай тушто му:кшым ончымаш лийын кертеш? Башкыртын национальный кочкышыжо — кумыс да имне шыл! Башкырт калык — самырык калык, марийын уже му:кшым ончен илыме акрет жапыште башкырт калык але лийынжат огыл. Уфа да тусо Урал кундемыште иленыт акрет эрвел марий-влак. Му:кшым ончымаш нунын деч кодын. Ногай йымак логалмеке, шкешт шукынжо башкыртыш савырненыт .Чын «башкырт му:й» — тиде курыку:мбал чодыралаште илыше ойыртемалтше башкирский пород му:кшын бортьевой му:й. Моло му:кшын уже «башкирский» му:й огыл. Мыйын шымлымаш вонча, «башкорт» этноним кок мутвож гыч лийын: икымше «баш» («вуй») тюрк йылме гыч, кокымшо мут «морт» акрет угро-арий(удмурт,марий)-влак деч кодын (ср. осетин.»нарт» или одо-морт(удмурт), коми-морт, морд-ва) и «коренной»(«вуй») калык манмым ончыкта.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s