М.Шкетан лӱмеш Марий кугыжаныш драма театр ден Константин Иванов лӱмеш Чуваш кугыжаныш академический драма театр коклаште кыл шукертак пеҥгыдемын. Теният нуно апрельыште ваш унала миен савырнаш кутырен келшеныт.
7 апрельыште Чуваший Республикыште Марий театрын кечыже, а 21 апрельыште Марий Эл Республикыште Чуваш театрын кечыже эртат. Читать далее
Filed under Увер-влак
Москосо Михаил Щепкин лӱмеш кӱшыл шинчымашым пуышо театр училищыш марий группым погымо нерген возенна ыле. Кӧ да кузе тушко логалаш тырша, тидын нерген «Марий Эл ТВ» каласкала:
Видеом налмывер: video.vmariel.ru
Filed under Видео
Марий Элын Культура, печать да национальность-влак паша шотышто министерствыже Республикысе театр пашаеҥ-влакын ушемышт дене пырля тений 11 март гыч 24 март йотке «Театран Йошкар-Ола-2011» лӱман фестивальым эртара. Тидын годымак эн ойыртемалтше актёр, режиссёр да моло пашаеҥлан Йыван Кырла лӱмеш театр премийым пуат. Читать далее
Filed under Увер-влак
«Марий Эл радио» «Изи чотан калык-влакын йылмышт компьютер технологийыште: опыт, задача да ончыкылык» лӱман конференцийым эртараш палемден. Тудо Йошкар-Олаште 25-27 апрельыште лиеш.
Тиде конференций Европын Каҥашыже, Европа Ушем да Российын Региональный вияҥмаш министерствыжын «Российыште изи чотан калык-влак: йылмым вияҥдымаш, культура да граждан общество» грантышт кӱшеш эрта. Читать далее
Filed under Увер-влак
Шорыкйол тылзын 25-ше кечынже Йошкар-Олаште Тимофей Евсеев лӱмеш калыкле тоштерыште лӱмлӧ марий фотосӱретче Пётр Васильевын «Идалыкын жапше» посна ончерже почылтын.
Юлсер район, Ярамарий ялеш шочын-кушшо уста марий эше Надежда Крупская лӱмеш пединститутышто тунеммыж годымак фотосӱрет-влакым ямдылаш тӱҥалын. Романтик чонан улмыжлан кӧра тунамсе пӱтынь Совет Ушем мучко эртен, манаш лиеш. Казахстаныштат, Камчаткыштат илен. Читать далее
Filed under Артикль-влак, Видео
Марий Эл кундемым тӱзатыме шотышто эн сай социально-экономический проектлан конкурсым увертареныт.
Тиде конкурс самырык ӱдыр-рвезе-влакым шочмо кундемнам социальный да экономика могырым вияҥдымашке кумылынрак ушнаш таратышаш. Тушко 30 ий деч самырыкрак кумылан чыла ӱдыр ден рвезе, тыгак самырык-влакын мер ушемышт ушнен кертыт.
2011 ий февраль гыч 2012 ий январь марте ик авторак (але организаций) икмыняр проектым куд номинаций дене пуэн кертеш. Читать далее
Filed under Увер-влак
1. Эльвира Попова – Тул шижмаш
2. Алексей Иванов – Угыч вашлиймаш
3. Наташа Пушкина – Тыйын курымеш лийнем
4. Валерий Петров, Ирина Мамаева – Салам, авай
5. Светлана Яндукова, Александр Веткин – Нимом ит шоналте
6. Кристина Семенова – Кӱрылтшӧ йӧратымаш Читать далее
18 пургыжын Морко районысо калык усталык, тӱвыра да каныме рӱдерыште республик кӱкшытан «Шочмо кундемын семже» фестиваль-конкурс лиеш.
Тиде музык фестивальым эртарышыже Марий Элын Tӱвыра, печать да калык-влакын пашашт шотышто министерствыже, Республикысе калык усталык да тӱвыра паша шотышто шанче-методикле рӱдер, Морко район администрацийын тӱвыра, капкультур да спорт пӧлкаже улыт. Читать далее
Filed under Увер-влак
Пургыж тылзын 6-шо кечынже Марий университетын «Г» тунемме корпусыштыжо школышто тунемше-влакын олимпиадышт эртен.
Марий туныктеж институт да Марий кугыжаныш университет школьник-влакын йылме шотышто праваштым да калыккультур йодмашыштым шукташ йӧным ыштен шогышо предмет-влак дене виш республикысе (да регион-влак кокласе) олимпиадыш 100 утла еҥым чумыреныт. Читать далее
Filed under Артикль-влак, Видео
М.С.Щепкин лӱмеш кӱшыл шинчымашым пуышо театр училище (институт) актёр факультетшын калыкле курсышкыжо самырык ӱдыр-рвезе-влакым тунемаш налме нерген увертара
Вузышто кӱрылтыш деч посна кечывал йӧн дене 4 ий тунемман.
Вузын национальный курсышкыжо пураш кумылан самырык еҥ марий йылмым палышаш.
Тунемаш пурымо годым «Руш йылме», «Литература» предмет-влак дене ЕГЭм эртыман. Читать далее
Filed under Увер-влак
MariUver 