Марла Тиштӹ Кечӹ Хельсинкиштӹ

9-шӹ декабрьын Марла сирӹмыӹ кечӹ лӹмеш Хельсинкин Рикхардинкирйасто лӹмӓн ик тошты библиотекыштыжы поэзи вады эртен, кышты финнлӓ, марла да эрзӓлӓ лыдышвлӓ йонгенӹт.

Айо пиш яжо шӱлӹш дон эртӹш. Ти вады анзыц библиотекын директоржы тенге маньы: «Библиотекына Хельсинкин сек тошты библиотекыжы ылеш дӓ историштӹжӹ марла лыдышвлӓ пӹтӓриш гӓнӓ тиштӹ шактат». Тидӹжӹ мӓлӓннӓ у дӓ яжорак лыдышвлӓм сирӓш стимулым пумы гань шактыш.

Поэзи вадым журналист дӓ сӹлнӹшая критик Вилле Ропонен пачы, кыды финллӓ лыкмы «Йыл» антологи, тенгеок кӹзӹтшӹ мары, удмурт, эрзӓ дӓ мокша литературывлӓ гишӓн публикылан шайышты. Тӹдӹн семӹнь мары сӹлнӹшӓ у корнывлӓ анзылны шалга, удмуртвлӓн гань лӱдде экспериментвлӓм ӹштӹлшӹ авторвлӓ мӓмнӓн литературыштына эче ак каеп. Шамаклан, хала тематикым марынвлӓ со эче йӓлӹнеш шотлат, тӹ годымок вет шукы марын халавлӓштӓт ӹлӓт. Ти корнывлӓм сирӹшӹ Чебоксар ГЭС Мары Эллан маняр эксӹкӹм канден, шайыштын. Йыл лӹвӓлӓн кодшы солавла –гишӓн сирӹмӹ лӹдышвлӓжӹм лыдын.

Юлия Куприна кырык мары сӹлнӹшаяштыш этнофутуризм дон халык философи гишӓн попен. Тӹдӓт кыце Йыл лӱктӓлмӹ гишӓн 1980-шы ивлӓн кыды –тидӹ поэтшӹ мактымы лыдышвлӓм сиренӹт манын пӓлдӹртӹш, но тӹ годымок реальный картинӹм анжыктышы поэтвлӓнӓт ылынт. Иктӹжӹ нӹнӹ логӹц Виталий Петухов, кыдын шапыш Йыл гишӓн лыдышыжым финнлӓӓт сӓрӹмӹ. Юлия семӹнь кӹзӹтшӹ жепӓш мары поэзиштӹ у лӹмвлӓ каяш тӹнгӓлӹнӹт, алык марла сирӹшӹ поэтесса Альбертина Иванова гӹц пасна тӹдӹ кырык марла сирӹшӹ Евгения Савельеван поэзижӹ доно публикым пӓлӹмӹм ӹштӹш. «Ти поэтессын шукы лыдышыжок простала, ӹлӹмӓш докы лишӹллӓ кайыт, но тӹ годымок тӹдӹ лыдшывлӓжӹм орӹктӓрӹшӹ сӓрӓлтӹшвлӓ докы канден шагалта. Лыдышвлӓжӹм лыдаш тӹнгӓлӓт дӓ кышкы тӹдӹн корнывлӓжӹ тӹньӹм канден шагалтат, интерес доно вычет».

Сӓрӹзӹ Юкка Маллинен Петербургыштыш рушла поэт Сергей Завьялов кыце финн-угр тематикӹм ӹште пӓшӓвлӓштӹжӹ кычылтеш, шайышты. Руш поэзиштӹ ти тематика пиш шоэн веле вӓшлиӓлтеш манын шаям кычышы пӓлдӹртӹш. Пушкинат вак, Болдинышты эрзӓвлӓ лишнӹ ӹлен, ти халык гишӓн нимат сирӹде.

Кӹзӹтшӹ эрзӓ дӓ мокшавлӓн поэзи гишӓн филологи докторвлӓ Ольга Ерина дон Джӓк Рӱтер шайыштевӹ. Мордовиштӓт кӹзӹтшӹ жепӹн литературышты у процессвлӓ каяш тӹнгӓлӹнӹт дӓ ти у кӹчӓлмӓшвлӓм сӓмӹрӹк авторвлӓ доно кӹлдӓт.

Кыце эрзӓ йӹлмӹ доно сирӹмӹ Википеди халык докы корным ташка, тӹдӹм виӓнгден шалгышы Петербургышты ӹлӹшӹ журналист Петрянь Андью шайыштын. Эрзӓ йӹлмӹ Википедим нӹл и перви ӹштӓш тӹнгӓлмӹ. Википеди алык марлаат: http://mhr.wikipedia.org дӓ кырык марлаат: http://mrj.wikipedia.org улы.

Валери Аликов

4 комментария

Filed under Артикль-влак

4 responses to “Марла Тиштӹ Кечӹ Хельсинкиштӹ

  1. Una

    Сай ыле Куприна дене палыме лияш.

  2. петухов

    Финн йылмышкы мыньын лыдышемым сарышылан шум вашт кого таум келесем. Техень вадым эртарышывла кого да перкеан пашам эртареныт. макташ веле кодеш.

  3. веселов

    Куанаш гына кодеш!

    • аноним

      Кушто кок курыкмарий — тушто але мероприятий але у закон. Марий элыште Зорина ден Васикова, Хельсинкиште Аликов ден Куприна.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s