24-26 апрельыште Мер Каҥаш «Марий форум» конференцийым эртара. Мутланымашке туныктышо, мер пашаеҥ, журналист-влак ушнат. Нуно шочмо йылмымын тачысе кечыже, мер калык куатым иктеш ушымо нерген кутыраш тӱҥалыт.
Форум 24 апрельыште Мер-политик рӱдерыште (Йошкар-Ола, Гагарин урем, 8 ) почылтеш.
Форум кышкарыште 26 апрельыште, Марий талешке кечын, Мер каҥаш «Талешкесортам» чӱкташ ужеш. Тунам кумылан-влак куд шагат эрдене лӱмлӧ, пагылыме еҥ-влакын чапкӱшт, мемориал оҥа воктене поро ой дене Марий талешке-влакым шарналатат да сортам чӱктат:
Марий Элын Пистель ушемже — Сергей Чавайнын,
Марий Эл композиор ушем — Иван Палантайын,
Марий кугажыныш универиситет — Василий Мосоловын,
М.Шкетан лӱмеш театрын артистше-влак – М.Шкетанын,
«ВийАр» самырык ушем- Репрессийыш логалше-влакын чапкӱшт деке чумргат.
Йошкар-Ола мучко пӧрталтше келыштарыме шарныктыше оҥа-влак декат пеледышым пыштат.
26 апрельыште Марий калыкын талешкыже Мамич Бердейлан Оршанка район Ернурышто 10 шагатлан, Вячеслав Абукаев-Эмгаклан Йошкар-Олаште Эшпай уремыште, писательын илыме пӧртыштыжӧ мемориал оҥа-влакым почаш палемдыме.
Тиде кечынак, 26 апрельыште «ВийАр» самырык ушем Йошкар-Ола уремыште «Мый марла ойлем» акцийым тӱҥалеш. 26 апрельыште Форум Майоров Шктен театрыште талешке кече лумеш эртарыме «Пелед, тӱзлане, ачамын мланде» пайрем концерт дене мучашлалтеш.
Налмывер: Mari-el.name
MariUver 