Йыван Кырлан лӱмгечыжлан пöлеклалтше вашлиймаш Шернур посёлкысо тоштерыште лие. Икшыве-влак туге чаплын илышыж нерген, почеламутлажым каласкалышт — шоҥго туныктышын шинчавӱдшат лекте.
Мый Йыван Кырлалан пöлеклалтше пайремлаште ятыр гана лийынам. Книгаже-влакымат поснак арален ашнем. Но ик йодыш мыйым эре тургыжландара. Таче калыкыште пагалыме айдемын лӱмжым возымо шотышто кокыте шонымаш ила.
Ты шотышто утым шонкалашат огеш кӱл. Сар деч ончычсо книгажым шергалат гын, ужат: тӱня мучко чапланыше артистын афишылаштыже кажне гана «Артист — Йыван КЫРЛА», «Мустафа» манын палемдыме. Марий айдеме марий лӱмжым калыкышке лукташ öрын огыл.
Молан меже ты шумлык чоннам таче туржына, кöлан келшаш тöчена? Шке жапыштыже тидын нерген пошкудыжо-влак: Епи кува (Александра Николаевна Соловьева), Кугу сарын ветеранже Семен Кузиков, «Марисолинский» совхозын партком секретарьже Михаил Танаев — пеҥгыдемденыт.
Тидым сылнымут пашаеҥ-влакат авалтеныт. Марий Элын сулло туныктышыжо, поэтесса Зинаида Ермакова ты йодышым сайынак шымлен, возышо-влаклан «Кырла» ман возаш темлен. Таче коча-кован, ача-аван пуымо лӱмыштым жаплаш чыла йöн уло, шонем.
«Путевка в жизнь» кино гыч кадр:
Тыгак ончо «Чылажат — Йыван Кырла лӱмеш» >>
М.Шиляев
Налмывер: «Марий Эл» жаплышташ
MariUver 