Эрла, 18 январьыште, Сургутышто Влад Николаев, Светлана Дмитриева, Александр Речкин концерт программым темлат.
Йӱдвел олаште Сургут районын 85 ияш лӱмгечыжлан пӧлеклалтше ончер* пашам ышта.
Тушто Рушэл сӱретче-влак* ушем еҥ-влакын пашашт ончыкталтеш. Марий мастар Юрий Таныгин Хант-Мансий автономий кундемлан пӧлеклалтше 9 сӱретшым темла да Элвина ӱдыржын 10 пашаже лиеш.
Ончер шошо марте калыкым куандара, ман воза Mari-el.name.
Март тылзыште Сургутышто тыгак Марий тӱвыра* кечым пайремлаш шонат.
MariUver
Фотосӱретыште: Таныгинмыт еш сценыште.
*ончер — выставка, сӱретче — художник, тӱвыра — культура.
MariUver 