Морко кундем калык Олег Славинын фонограмме почеш мурмыжлан сырен да тудын концертшылан бойкотым увертарынеже
Кеҥежым мурызо-влак кокла гыч шукынжо пошкудо але тора кундемлашке гастроль дене коштыныт гын, кызыт ятырынже республикысе районлашке концерт дене лектедат. Мутлан, Светлана Дмитриева лишыл жапыште Волжск ден Звенигово олалаште соло концертшым ончыкташ ямдылалтеш.
Олег Славинат кеҥежым арня утла Пошкырт кундемыште лийын гын, 20 ноябрь гыч республикысе районла мучко концерт дене коштеш. Тидым тудо У ий пайрем марте гына огыл шуйынеже, январь ден февральыштат канаш огеш шоно.
Кок арня наре гыч Морко поселкышто концертше лийшаш. Но тушто кызытак тыгай ой коштеш, маныт: Олег Славин фонограмме почеш гына умшажым почын-тӱчын шогылташ тӱҥалеш гын, бойкотым ышташ, кугу тумам тарваташ шонат.
Тугеже Олегын концертше ынде кузерак эрта гын? Морко калык тудым помидор але муно дене амыртыл пытараш огеш ямдылалт дыр?
Л.Петрова
Налмывер: «Марий Эл» газет
MariUver 
Марла: сольный концерт — соло концерт (марий йылмыште -ный мутмучаш дене палемут ок ышталт); фонограмма — фонограмме (2003 ийыште пенгыдемдыме орфографий почеш). Псевдоним дене гына огыл, калык лум денат (калык тыге шона…) конкурент-влакын заказыштым шуктен Камалетдиновалан авыралташ логале. Мом ыштет неле журналистын пурымашыже.
Антирекламе — тожо рекламе. Шонем, тиде нарынче «увер» деч вара шуко марий Славинын концертышкыже лӱмынак чынжымак тудо фонограмме почеш мура да шӱйшӧ помидорым кышкаш тӱҥалыт мо манын ончаш толеш :)))
А кӧ тыгай Славин?
Олег Славин нерген рашрак тыште лудаш лиеш:
http://marisong.ru/singers.php?page=0&letter=206&id=11