Эстонийыште марла саламлыме открыткe-влакым савыктыме (ФОТО)

«Тарту марий-влак ушем» шым марла саламлыме открыткым савыктен луктын.

Открытке-влакым тӱрлӧ пайрем да лӱмгечылан келыштарыме: «Пайрем дене!», «Шочмо кечет дене!», «Йӧратыме авамлан!», «Пагалыме ачамлан!», «Пиалан лий!», «Лӱмгече дене!», «Сӱан кече дене!».

Проектым Тарту университетын магистрантше Лилиана Клемент (Васильева) возен да илышыш пуртен.

Оксам Эстонийсе Родо-тукым калык-влак программе ойырен.

Лилиана шкеже Пошкырт кундем гыч улеш да садлан открытке-влакым яра башкир марий-влак коклаште шараш ыштыме.

Открытке-влакым кугемдашлан темдал.

MariUver