«Кутко еш SMS» — тыгай лӱман журналын икымше номерже шукерте огыл ош тӱням ужын. Тудым «Кече-Солнышко» журналын тӱҥ редакторжо Антонина Шакирован полшымыж дене кугурак класслаште тунемше йоча-влак шкеак ямдыленыт.
А тиде проектлан шийвундым М.А. Кастрен ушем да Марий Элысе Тӱвыра, печать да национальность паша шотышто министерство ойыреныт.
Журналын тиде номержым икмыняр рубрикылан шелме. Мутлан, «Ӱдыр-влаклан», «Рвезе-влаклан», «Спорт», «Школ илыш», «Школышто весела», «Марий йӱла», «Поэзий алан», «Журналистикын жанрже», «ӧрыктарыше тӱня», «Тазалык», «Мыйын ешем», «Шӱдыр ойып лоҥгаште», «Йӧратымаш», «Шкенетым терге». Нине лӱм-влак журналын тӱрлӧ сынан да оҥай улмыж нерген ойлат.
«Кутко еш SMS» журналын вес номерже ноябрь-декабрьыште лекшаш. Тудым йоча-влак шыже каникул годым ямдылаш тӱҥалыт.
Эльвира Куклина
Налмывер: Кугарня
Чыла сай паш финн окса кӱкшытеш вел ышталтеш ала-мо? А Марий Эл окса векат Максимова да Козлов гай «тушман-влак» дене кучедылаш кая чай.
Shala. Zhurnal laktyn- susu limyla. Vot kynam Joshkar Olashty cerkyvlam, bassejnvlam da jamakyshtysh teremok-portvlam changen pytarat, tynam, lin kerdesh, marla knigavlamat, zhurnalvlamat lyktash tyngalyt. No kynam tidy liesh — ves jadmash.