Tag Archives: марий-влак

Марий тӱр дене суртымат сӧрастараш лиеш. Эдуард Орозаевын Марий Эл Морко район Шлань ялыште верланыше пӧртшӧ.

Татарстан Балтаси район Улисъял калык концерт деч вара кушта. Мо куандара – самырык-влакат марла мурен да куштен моштат да нунылан тиде келша.

Пургыж тылзын 22-шо кечынже 11 шагатлан Йошкар-Оласе Марий паркыште республик кӱкшытан Ӱярня пайрем эрта.

200 ий ожно ны шоссе, ны кӱртньыгорно лийын огыл. Ик ола гыч весыш имне дене коштыныт. Имньым вӱдышӧ еҥым улазе маныныт.

Таче, чатлама тылзын 30-шо кечынже, Йошкар-Олаште этнокультур предметла дене республик кӱкшытан олимпиаде эрта, увертара «Марий Эл» газет.

14-ше февральыште, Шнуй Валентинын кечынже, ий еда эртаралтше «Йӧратымашын уло юзо вий» пайрем концерт М. Шкетан лӱмеш марий кугыжаныш драме театрын сценыштыже лиеш. Йӱла почеш тудым «Кугарня» газет редакций эртара.

Марий Эл У Роҥго район Ӱшнӱр селаште кодшо ийын ноябрь тылзыште администраций ден ялысе клубын оралте омсажым виш ыштен. Тидын нерген «Марий Эл» газет увертара.

Теле тылзын 13-шо кечынже Йошкар-Олаште «Марий теле» фестивальым пайремлын почыныт. Тудо кум тылзе шуйна, увертара «Кугарня» газет.

Российыште, финн-угор тӱняште кумдан палыме марий шанчызе-этнолог Тамара Лаврентьевна Молотован (16.05.1956–01.12.2025) шӱмжӧ кырымым чарнен, увертара «Марий Эл» газет «КонтактЫште» мервотышто.