Налмывер: Марий Эл КТРК
Моско марий-влак Лайд Шемйэрым саламлат
Пагалыме Владимир Никифорович (Лайд Шемйэр)! Москосо марий землячестве лӱм дене У 2015 ий да шочмо кечыда 55 ий дене шокшын саламлена!
Уло марий калыкын пагалыме эргыжлан пеҥгыде тазалыкым, творческий пашаштыда кугу сеҥымашым тыланена! Марий оньыжа пашада дене сай шарнымашым коденда. В.Колумбын тоштерыште моткоч пайдале пашам эртареда. Сай деч сай книгамат луктыда. Тендан дене кугешнена! Читать далее
Filed under Саламлымаш
«Марий ушем» саламла да конференцийыш ӱжеш
У ий дене!
У шонымаш да сеҥымаш дене, пагалыме марий калык!
Регионысо «Марий ушем» («Союз мари») мер организаций тендам чыландамат 2015 ий дене саламла да шочмо калыкнам вияҥдымаште чоткыдо лектышым тылана.
2015 ий – «Марий ушемлан» тыглай идалык гына огыл. Тений, Совет жапыште (1918 ийыште) марий ушемым чарыме деч вара ятыр жап эртымеке, ушемнан угыч ылыжмыжлан 7-8 апрельыште 25 ий – чырык курым – темеш. Читать далее
Filed under Увер-влак
Зоя Дудина. Кум томан ойпого
Кум ий шуйнышо проект илышыш шыҥдаралтын! «Зоя Дудина: Кум томан ойпого» савыктыш ош тӱням ужын.
Икымше том «Куанышым куэм ӧндал»: поэзий. 2012 ийыште Марий Эл Республикысе тӱвыра, печать да национальность паша шотышто министерствын савыктыме шотышто программыж почеш печатлалтын.
Куанышым куэм ӧндал,
Ваштар дек толын воштыльым,
Писештым пистерем ончал,
Шопкер пелен мый шойыштым… Читать далее
Filed under Книга-влак
Тарту марий-влак эртыше ийым марла иктешленыт
Теле тылзын 14 кечынже Тартушто илыше марий-влак Изи Рошто-Шорыкйол-У ий пайремым марла эртарен колтышт. Тыгак эртыше ийым иктешлыме.
Йоча-влаклан У ий программе 15 шагатлан Литератур пӧртыштӧ тӱҥалын. Пайремым Татьяна Албахтина ден Светлана Акельдина вӱденыт. Марий рушарня школышто тунемше-влак «Лӱдшӧ мераҥ» йомакым модын ончыктеныт. Кок командылан шелалтын, пайремыш толшо-влак тӱрлӧ модышлаште шке вуй уш писылык, чолгалыкыштым ончыктеныт да таҥасеныт. Читать далее
Filed under Артикль-влак, Йоча-влаклан
У книга – марийын эртыме корныжо нерген
Йошкар-Олаште эше ик пайдале, чапле книга савыкталт лекте. Тиде – Озаҥ университетын профессоржо, морко марий Иван Николаевич Смирновын (1856–1904) «Черемисы. Историко-этнографический очеркше». Тыгаяк лҥман книга икымше гана 1889 ийыште ош тӱням ужын да тетла тудым нигунам угыч лукмо огыл ыле. Сандене ты савыктышым 125 ияш лӱмгечылан пӧлеклыме семын ончыман.
Ты книгам ямдылаш «Валентин Колумб лӱмеш рӱдер-тоштер» эше 2002 ийыштак пижын ыле. Но тӱрлӧ амаллан кӧра лудшын ты вучымо пиалан кечыже латкок ий шуйналте. Эше 2005 ийыштак Тӱнямбал финн-угор шымлызе-влакын X конгрессышт вашеш Марий университет дене пырля ямдыленна ыле, но савыкталт ыш керт Читать далее
Filed under Артикль-влак, Книга-влак
MariUver 