Category Archives: Увер-влак

Кодшо шуматкечын, пеледыш тылзын 7-ше кечынже, Москошто марий Пеледыш пайрем эртен. Тений тудым 15-ше гана гӱжлен. Кызыт Москосо Пеледыш пайрем кугу айошко савырнен. А тӱҥалынытше изи тӱшка дене гына эртареныт. Читать далее →

Таче, пеледыш тылзын 4-ше кечынже, Эстоний канде-шеме-ошо калыкле символжым чапландарен, шке тисте кечыжым пайремла. Лач ты кечын шочшо тиде флаг калыкым, тудын йылмыжым, тӱвыражым да шкешамжым почын пуа. Читать далее →

Финн-угор йоча ден самырык-влакын тӱнямбал слётышт 17-23 июльышто Йошкар-Олаште лиеш. Тушко Российыште илыше да финн-угор калык гыч лекше 12-18 ияш ӱдыр-рвезе-шамыч ушнен кертыт. Читать далее →

Кодшо шуматкечын Йошкар-Оласе «Марий кумалтыш» тиште Агавайрем кумалтышым эртарен. Рӱдолаштына илыше марий-влак, калыкнан волгыдо, улан да пиалан илышыж верч пӱртӱс вийлан шке кумалме мутшым йоҥгалтарен, чес пӧлекым пуэныт. Читать далее →

Марий Элын да Россий Федерацийын сулло журналистше Юрий Исаков «Колумб лудмаш» книгам ямдылен. У савыктыш марий поэт Валентин Колумбын шочмыжлан 90 ий да «Марий Эл» газет лекташ тӱҥалмылан 110 ий теммылан пӧлеклалтын. Читать далее →

Йошкар-Олаште Пеледыш пайрем 27–28 июньышто эрташ тӱҥалеш, увертара «Сурт-пече» газет. Моло кундемлаште кунам пайремлат ӱлнӧ лудса. Читать далее →

Ага тылзын 20-шо кечынже 2018 ий гыч тӱҥалын кажне ийын Мӱкшын тӱнямбал кечыжым пайремлат. Тудо кызытсе мӱкш ончымо пашалан негызым пыштыше Антон Яншинын (1734–1773) шочмо кечыж дене кылдалтын. Читать далее →

Россий президентын 2025 ий 5 майыште лукмо кӱштыкшӧ дене келшышын, М. Шкетан лӱмеш Марий калыкле драме театрын уста сылнешке вуйлатышыже, талантан режиссёр Василий Пектеев «Тӱвыра да сымыктыш аланыште тыршымылан» медаль дене палемдалтын, увертара «Марий Эл» газет. Читать далее →

Пеледыш тылзын 5-ше кечынже Йошкар-Оласе тӱвыра да каныме рӱдӧ паркыште Йочам аралыме кечылан пӧлеклалтше Йоча пеледыш пайрем эртаралтеш. Тидын нерген Марий тӱвыра рӱдер шке вотлаштыкыштыже увертара. Читать далее →