Category Archives: Видео

Йошкар-Олаште Водопроводный урем, 48 адрес дене у ялозанлык кооператив пазар почылтын.

Мланде пашаеҥ-влаклан шке ончен-куштымо пакча-саскам, шылым да моло сатум ужалаш лӱмын ямдылыме 250 вер уло. Пазар кажне кечын 8 шагат эр гыч 7 шагат кас марте ышта. 60 наре машинам шогалташ посна кумдык уло. Читать далее →

13 январьыште Марий Элын калык, Россий Федерацийын сулло артисткыже Маргарита Медикова М.Шкетан лӱмеш Марий калыкле драме театрын изи залыштыже «Шарнен, огына лий ойган…» сылнымут касым эртарен.

Сылнымутым лудшылан пӧлеклыше-влак кокла гыч Маргарита Егоровна — ик эн устан пашам ыштыше актриса. Читать далее →

Настя да Даниил Кораблевмытын йоҥгалтарыме «Шем шинчан моторым» муро кузе шочын? Тидын нерген «Марий Эл ТВ»-н «Семалан» передачыже каласкала. Мутым мурылан Юрий Галютин 50 ий ончычак возен, семым Михаил Степанов келыштарен.

Видео налмывер: video.vmariel.ru

28 январь гыч 24 март марте Йошкар-Оласе Сеҥымашын ХХХ идалыкше лÿмеш тÿвыра полатыште республик кÿкшытан «Усталык памаш» фестиваль эрта.

Тудым Республикысе калык усталык да культур каныш паша шотышто шанче-методике рÿдер Республикысе тÿвыра, печать да калык-влакын пашашт шотышто министерстве дене пырля эртара. Читать далее →

Марий Эл У Торъял районысо Токтарсола школ, тудлан негызым пыштыше Данил Онарын лӱмжым нумалеш. Шукерте огыл тудлан шарнымаш оҥам школ пырдыжыш сакалтеныт. Тидын нерген «Марий Эл ТВ» каласкала:

Видео налмывер: video.vmariel.ru

Курык марий калык кочкышым ик кочмывер ышта да ужалмашкат луктеш. Тидын нерген «Марий Эл ТВ» каласкала:

Видео налмывер: video.vmariel.ru

Йоча книга марла ситышын лектеш мо? Тидым «Марий Эл ТВ» рашемдаш тыршен:

Видео налмывер: video.vmariel.ru

Эстонийыште илыше марий режиссер Алексей Алексеев «Моркӧ сӱан» чынилыш киножым темла. Фильмым 1998 ийын 7-9 августышто Марий Элыште, Тыгыде-Морко ялыште, войзымо:

Видео: marimeedia2011

Эртыше кугарнян «Автодор» культур полатыште Марий тӱвыра рӱдер «Ешыштем поро йӱла» фестиваль эртарыш. Тышке эн уста, эн чолга марий еш-влак погыненыт.

Кок ийлан ик гана марий еш-влак, шке мастарлыкшым шуарыме семын, фестивальышке толыт. Марий еш йӱлам ончыктат, марий кочкыш дене сийлат да кид-мастарлык дене ӧрыктарат. Читать далее →