Мӱнхенысе Людвиг-Максимилианын университетыштыже 2025–2026 тунемме ийласе толшаш теле семестрыште марий йылме курс тӱҥалеш. Тудым эксперт-влак Джереми Брэдли ден Йоханнес Хирвонен эртарат.
Марий йылме урал йылме ешын финн-угор тӱшкашкыже пура. Тудын дене Юлсер кундемыште кутырат. «Европысо пытартыш язычник-влакын» йылмышт семын палыме да тудын тюрк йылме-влак дене шуко игайлыкше уло.
Курс йылмыланат да тудын структурыжланат пӧлеклалтын. Ончылгоч шинчымаш огеш кӱл, сандене тудо чыла кумыланлан-влаклан келшен толеш. Занятий-влак шочмын 12:00 гыч 14:00 марте тыгай адрес дене эртаралтыт: Людвигштрассе 31/III, 327-ше пӧлем.
Ешартыш уверым Джереми Брэдли деч jeremy.bradley@lmu.de электрон почто адрес дене йодаш лиеш.
Марий йылме нерген утларак палынеда? Тиде темылан подкастын тӱҥалтыш эпизодшым колышташ лиеш, манын Финн-угроведений / уралистике институт Facebook мервотышто воза.
MariUver
MariUver 