2025 ий 19–23 июньышто Сетомаа кундемысе Уусвада тӱвыра ялыште Финн-угор фильм FUFF 2025 фестиваль эртаралтеш. Ончыкылык форумын тӱҥ темыже «Тӱп калык-влак» лиеш, тӱҥ шотышто сето-влакын тӱвыра поянлыкышт ончыкталтеш.
Фестиваль программыште тӱрлӧ кином ончыктымаш, креативле куштымаш шотышто мастар-класс, концерт, тошто монча да оҥай мутланымаш-влак улыт.
FUFF 2025 тӱнямбалысе киносӱретче-влаклан 48 шагат экспериментан кино лабораторийыште лияш йӧным пуа. Фестиваль ныл режиссёр марте ӱжеш, нуно шке авторло кӱчык метражан лентыштым вигак Усвадысе мероприятий годым ыштен кертыт.
Кажне команде але режиссёр шочмо йылмым моштышо финн-угор актёр, персонаж але полышкалыше дене пырля пашам ышташ тӱҥалеш. Тидыже икте-весе дене шке тӱвырам палдараш да пырля пашам ышташ йӧным пуа. Лабораторийын тӱҥ цельже – тӱрлӧ жанрысе родо-тукым калык-влакын темыштлан да йылмыштлан пӧлеклалтше экспериментан фильм-влакым ыштымаш.
Лабораторий кышкарыште ыштыме фильм-влакын премьерышт фестивальым петырыме церемоний годым лиеш.
Лабораторийыште участвоватлаш шонышо режиссёр-влаклан 2025 ий 30 март марте мотивациян серышым колташ кӱлеш. Ойырен налмашын лектышыже 15 апрель марте увертаралтеш.
Ешартыш информацийым фестивальын вотлаштыкыштыже муыда.
Рушла Telegram-ыште лудса /
По-русски читайте в Telegram:
https://t.me/mariuver/633
MariUver
креативле – креативный,
киносӱретче – кинематографист,
авторло – авторский,
экспериментан – экспериментальный,
мотивациян – мотивационный
MariUver 